|
Universidat de París
A Universidat de París (en francés Université de Paris), tamién conoixida como A Sorbona (en francés La Sorbonne), estió una d'as universidatz medievals mas antigas y mas importants d'o mundo. HistoriaFue fundada a meyaus d'o sieglo XII por o bispe d'a ciudat y as suyas instalacions se situaron amán d'a Seu de Notre Dame de París. En 1200 yera reconoixida por o rei Felipe II y en 1215 por o Papa Inocencio III. Adquirió ascape un gran prestichio, mas que mas en as arias de filosofía y teolochía. Se constituyó como asociación de toz os colechios preexistents en a ziudat de París situaus en o canto ezquierdo d'o río Sena (entre éls A Sorbona, fundada en o l'anyo 1215 y con gran prestichio mientres a Edad Meya debiu a la suya facultat de teolochía, estando o suyo nombre asociau dimpués a toda a universidat). O suyo obchectivo yera formar a os funcionarios de l'administración reyal (Consello d'Estau, parlamentos, tribunals, hicienda, etc.) y d'institucions eclesiasticas (profesors, medicos, bibliotecarios, bispes, abaz, etc.). Mientres a Edat Moderna sufrió una situación de declive. En 1793 yera zarrada y substituyida por escuelas superiors especializadas en dreito, medicina, incheniería, escuelas normales, etc. Un sieglo dimpués, en 1896, se reubrió con cuatro facultaz: Dreito, Medicina, Letras y Ciencias. Dimpués d'os escaicimientos de mayo de 1968 y as reformas de 1968-1971 a universidat se dividió en trece universidaz independients, belunas d'ellas multidisciplinars y atras especializadas en cuantos ambitos d'o conoiximiento. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
