Traquia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Diagrama de l'aparato respiratorio, o numero 1 corresponde a la traquia.
Envista d'a traquia debaixo d'a larinche y dencima d'os bronquios.

A traquia ye en os vertebraus tetrapodos un organo de l'aparato respiratorio que fa part d'as vías respiratorias y situau entre a larinche y os bronquios y paralelo a lo esofago. Visto dende fuera presenta un releu caracteristico con aniellos de cartilago que la mantienen siempre bien ubierta pa que pase l'aire. A traquia presenta un interior cubierto por un epitelio pseudoestratificau ciliau [1] capaz de forachitar particlas solidas que entran con l'aire inspirau.

Os cartilagos d'a traquia tienen forma de C, con a obridura en contacto con o esofago, pa facilitar-li paso d'o bolo alimenticio sin que bi haiga rozamiento. Son d'una varietat de teixiu cartilachinoso dita teixiu cartilachinoso hialín.

O epitelio pseudoestratificau ciliau d'a traquia ye o mesmo que bi ha en a larinche y en os bronquios. O suyo funcionamiento ye relacionau con o reflexo d'a tos.

A traquia fa part, chunto con os pulmons y atras visceras toracicas, d'os livianos.

Referencias

  1. ↑ (es) VADILLO, Emilio, DE LA CRUZ, Alberto, et al.: Ciencias Naturales. BUP 3. Santillana, 1986. p. 138.

Bibliografía