|
Too Late the Hero (cinta)
Too Late the Hero (títol orichinal en anglés, en aragonés Masiau tarde l'heroi, enguerada en Aragón con o títol en castellano de Comando en el mar de China, en aragonés Comando en a mar de China) ye una cinta de cine estausunidense de cine belico enguerada en l'anyo 1970, dirichida por Robert Aldrich seguntes un guión adaptau por él mesmo y por Lukas Heller (basau en una historia d'o mesmo Robert Aldrich y de Robert Sherman), una dirección de fotografía de Joseph F. Biroc, una banda sonora orichinal de Gerald Fried, una producción cinematografica d'o mesmo Robert Aldrich ta las productoras ABC Pictures, Associates & Aldrich Company y Palomar Pictures International y con un elenco d'o cual en fan parte Michael Caine, Cliff Robertson, Ian Bannen, Harry Andrews, Ronald Fraser, Denholm Elliott, Lance Percival, Percy Herbert, Patrick Jordan, Sam Kydd, William Beckley, Martin Horsey, Harvey Jason, Don Knight, Roger Newman, Michael Parsons, Sean MacDuff, Frank Webb, Henry Fonda y Ken Takakura, entre d'atros actors. En 1942 mientres a Segunda Guerra Mundial Sam Lawson ye un tenient d'a Uited States Navy que dica l'inte ha estau capable d'evitar partecipar en garra batalla y estar siempre destinau en oficinas gracias a que conoix l'idioma chaponés. Cuan ha de marchar de permiso se troba con que li lo cancelan y lo ninvían a las Nuevas Hebridas adscrito a una unidat de comandos de l'exercito britanico que amenista un interprete de chaponés. Cuan plega en o suyo destino descubre que la suya misión ye de trescruzar a parte d'ixa isla a on se i troba que encara ye en mans de l'Exercito Imperial Chaponés chunto a un grupo de comandos ta apoderer-se de l'aparato de radio que poseyen os chaponeses y evitar asinas que den l'alarma sobre la presencia d'un convoy naval estausunidense que transportará dentro de 3 días tropas para una gran invasión, emitindo cada día en chaponés dica la invasión a confirmación de que todo ye correcto en a isla y no bi ha garra novedat, como ye lo protocolo d'a emisora. Lo grupo penetra en territorio baixo control chaponés y bien luego prencipian as dificultaz. A cinta s'ambienta en as Nuevas Hebridas (actual Vanuatu) en 1942 mientres a Segunda Guerra Mundial y las suyas escenas se filmoron en Malay (Aklan) en Filipinas.[2] Elenco[3]
Se veiga tamiénReferenciasVinclos externos
|
Portal di Ensiklopedia Dunia
