The Prince and the Showgirl (títol orichinal en anglés, en aragonés O prencipe y la corista, enguerada en Aragón con o suyo títol traduciu enta lo castellano como El príncipe y la corista) ye una cinta de cine de comedia romantica de cine britanico y cine estausunidense de l'anyo 1957 dirichida por Laurence Olivier seguntes un guión adaptau por Terence Rattigan d'a suya propia obra teatral de 1953 The Sleeping Prince, con una banda sonora orichinal de Richard Addinsell, una dirección de fotografía de Jack Cardiff, una producción cinematografica de Laurence Olivier y Milton H. Greene ta la productora cinematografica Marilyn Monroe Productions y con un elenco d'actors en os suyos papels principals formau por Marilyn Monroe, Laurence Olivier, Sybil Thorndike, Richard Wattis, Jeremy Spenser, Paul Hardwick, Esmond Knight, Rosamund Greenwood, Aubrey Dexter, Maxine Audley, Harold Goodwin, Jean Kent y Daphne Anderson.
The Prince and the Showgirl conta la historia d'o prencipe rechent d'un país ficticio en Europa Central que plega en Londres en chunio de 1911 ta partecipar en a coronación de Chorche V como nuevo rei d'o Reino Uniu y que queda bien impresionau en conoixer a Elsie Marina, una corista estausunidense que treballa en una función a la que ha asistiu y que la convida a cenar en o suyo hotel; astí Elsie conoix de los plans d'o fillo d'o rechent ta cesar a su pai como rechent y asumir o poder en o reino con l'aduya de l'Imperio Alemán. A cinta s'ambienta asinas en Londres en 1911 y las suyas escenas se filmoron en Londres y en os estudios Pinewood Studios en Buckinghamshire.[2] Se tracta d'una cinta on cuantos premios y nominacions, en destacando cinco nominacions a los Premios BAFTA en a suya 11ena edición y un Premio David de Donatello a lo Premio Targa d'Oro ta Marilyn Monroe[3] en a suya 3ª edición.
Se veiga tamién
Referencias
Vinclos externos
.svg){kind=small}
