|
The Hound of the Baskervilles (cinta de 1939)
The Hound of the Baskervilles (títol orichinal en anglés, en aragonés O sagüeso d'os Baskerville, enguerada en Aragón con o títol en castellano de El perro de los Baskerville, O can d'os Baskerville en aragonés) ye una cinta de cine d'intriga policiaca estausunidense de l'anyo 1939 dirichida por Sidney Lanfield seguntes un guión adaptau por Ernest Pascal basau en a novela policiaca The Hound of the Baskervilles d'Arthur Conan Doyle publicada en 1902 como una d'as novelas d'a saga de Sherlock Holmes. La suya banda sonora orichinal ye de David Buttolph, Charles Maxwell, Cyril J. Mockridge y David Raksin y la dirección de fotografía de Peverell Marley, estando-ne los productors Gene Markey y Darryl F. Zanuck ta la productora cinematografica 20th Century Fox. Los actors principals d'a cinta son Richard Greene, Basil Rathbone, Wendy Barrie y Nigel Bruce. Ye la primera d'una serie de 14 cintas de Sherlock Holmes protagonizadas por Rathbone y Bruce, y en ista primer cinta d'a serie no yeran consideraus como lor protagonistas principals, en no estar segura la productora de l'acceptación por o publico; de feito, Richard Greene amaneixeba debant en os títols de crédito d'a cinta y estió qui mas cobró por a suya labor como actor en a cinta. La cinta s'ambienta en o Londres y Devon d'os anyos 1880, mientres a Era victoriana (ye la primara d'as cintas de Sherlock Holmes que respecta l'ambientación d'epoca orichinal, porque dica l'inte todas s'ambientaban en o momento de filmación d'a cinta) y se rodó en os estudios cinematograficos d'a productora 20th Century Fox en California, en Estaus Unius. Elenco[1]
Se veiga tamiénReferenciasVinclos externos
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
