|
The Boy from Oklahoma
The Boy from Oklahoma (títol orichinal en anglés, en aragonés O mesache d'Oklahoma, enguerada en Aragón con o suyo títol traduciu enta lo castellano como El muchacho de Oklahoma) ye una cinta de cine estausunidense de cine de western de l'anyo 1954 dirichida por Michael Curtiz seguntes un guión adaptau por Frank Davis y Winston Miller (basau en The Sheriff Was Scared, una novela de Michael Fessier), con una banda sonora orichinal de Max Steiner, una dirección de fotografía de Robert Burks y una producción cinematografica de David Weisbart. Fan parte de l'elenco d'a cinta Will Rogers Jr., Nancy Olson, Lon Chaney Jr., Anthony Caruso, Wallace Ford, Clem Bevans, Merv Griffin, Louis Jean Heydt, Sheb Wooley, Slim Pickens, James Griffith, Tyler MacDuff y Harry Lauter, entre d'atros actors. Tom Brewster ye un estudiant de Dreito por correspondencia y ye de viache enta lo lugar a on vive su tío, qui li dará treballo malas que remate los suyos estudios. Cuan plega en Bluerock en Oklahoma busca la oficina de Correus ta ninviar o suyo zaguer examen y asinas obtener o suyo títol en Dreito, pero uns ladrons roban a dilichencia y desaparixe lo suyo examen. Simultaniament Barney Turlock, propietario d'o saloon, proposa que lo nombren sheriff d'o lugar, encara que sabe que no sabe emplegar as armas y que amás en ye contrario. Tom conoix a Katie Brannigan, qui ye la filla de l'anterior sheriff a qui asasinoron sin que dica l'inte se conoixca qui n'estió l'autor. Tom decide investigar ixe asasinato. A cinta s'ambienta en bel momento indeterminau d'o sieglo XIX en l'estau d'Oklahoma y las suyas escenas se filmoron en o rancho Warner en Calabasas (California).[2] Elenco[3]
Se veiga tamiénReferenciasVinclos externos
|
||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
