|
The Big CountryThe Big Country (títol orichinal en anglés, en aragonés O gran país, enguerada en Aragón con o títol en castellano de Horizontes de grandeza, en aragonés Horizonz de grandura) ye una cinta de cine de western dramatico de l'anyo 1958 de cine estausunidense dirichida por William Wyler seguntes un guión adaptau por James R. Webb, Sy Bartlett y Robert Wilder (basau en a novela Ambush at Blanco Canyon, publicada por Donald Hamilton en 1958), con una banda sonora orichinal de Jerome Moross, una dirección de fotografía de Franz Planer, una producción cinematografica de Gregory Peck y William Wyler ta las productoras Anthony Productions, Worldwide Productions y Polyphony Digital y un elenco d'o cual en fan parte, entre d'atros, os actors Gregory Peck, Jean Simmons, Carroll Baker, Charlton Heston, Burl Ives, Charles Bickford, Alfonso Bedoya, Chuck Connors, Chuck Hayward, Buff Brady, Jim Burk, Dorothy Adams y Chuck Roberson. James McKay ye un capitán de barco d'una cabalera familia de Baltimore que en ixa ciudat ha conoixiu a una mesacha que i yera estudiando y que perteneixe a una destacada familia d'Arizona, Patricia Terrill. Li proposa matrimonio y marcha dimpués que ella enta ixe estau ta casar-se-ne-ie. En plegar, troba que la familia d'os Terrill ye enemiga mortal d'os Hannassey y que los fillos d'ista zaguera familia li preparan un gallinot no guaire simpatico, pero que él no considera tan greu encara que la suya familia adoptiva sí. Poquet a poquet o suyo carácter topa con o carácter d'o suyo suegro, d'a suya muller y d'o suyo nuevo entorno, que consideran que James ye nomás que un simple pocaalma cuan iste no fa so que evitar pleitinas estérils y farutadas sin sentiu. Poquet a poquet la suya novia se desepara d'él y por contra cada vegada coincide mas con Julie Maragon, a mayestra d'o lugar y propietaria d'un rancho que anglucionan mesmo los Terrill que los Hannassey. Finalment, Julia plega en un alcuerdo con James ta vender-le lo rancho, a lo mesmo tiempo que Patricia li demana que marche y creba lo compromiso. Ista cinta s'ambienta en Arizona en bel momento indeterminau d'a segunda metat d'o sieglo XIX y las suyas escenas se filmoron en cuantas localizacions en os estaus de California (incluyindo-ie West Hollywood) y Arizona.[2] The Big Country ye una cinta que ha recibiu bels premios y nominacions, entre los cuals se pueden detacar un Premio Oscar (Millor Actor Segundario) y una nominación (Millor Guión de Cinta de Drama u Comedia) en a suya 31ena edición, un Premio BAFTA (Millor Cinta) en a suya 13ena edición y un Premio Globos d'Oro (Millor Actor Segundario) en a suya 16ena edición.[3] Elenco[4]
Se veiga tamiénReferenciasVinclos externos
|
Portal di Ensiklopedia Dunia
