- Iste articlo ye sobre una cinta de cine estausunidense de l'anyo 1911; ta atros usos, se veiga The Battle.
The Battle (títol orichinal en anglés, A batalla en aragonés) ye una cinta (curtometrache) de l'anyo 1911 de cine mudo d'o cine estausunidense, dirichida por D. W. Griffith seguntes un guión d'él mesmo, con una dirección de fotografía de G. W. Bitzer y que, entre o suyo reparto, cuenta con bels actors como Charles West u Blanche Sweet. Ambientada en a Guerra Civil d'os Estaus Unius, amuestra a capacidat d'o director ta treballar con grans masas humanas en una cinta y t'amostrar escenas de batalla.[1] A cinta se rodó en Fort Lee, un lugar a on en primerías d'o sieglo XX se i instaloron os primers estudios d'as primeras companyías de producción en a Historia d'o cine.[2][3]
Sinopsi
Mientres a Guerra Civil d'os Estaus Unius, una unidat de soldaus de l'Exercito estausunidense marchan enta la batalla en bel meyo d'una masa de chent que lis aplaude. Pero en rematar a batalla con una redota, un d'os soldaus supervivients, un mesache, opta por desertar y marcha a refuchiar-se en casa d'a suya novia. Pero dimpués siente vergüenya d'a suya traición a los suyos companyers y opta por traversar as linias de l'Exercito confederau ta quitar d'a garchola a los suyos companyers.
Reparto
- Charles West, en o papel d'o mesache.
- Blanche Sweet, en o papel de novia d'o mesache.
- Charles Hill Mailes, en o papel de comandant de l'Exercito estausunidense.
- Robert Harron, en o papel de soldau de l'Exercito estausunidense.
- Donald Crisp, en o papel de soldau de l'Exercito estausunidense.
- Spottiswoode Aitken.
- Edwin August, en o papel de oficial de l'Exercito estausunidense.
- Lionel Barrymore, en o papel de conductor d'una carreta (no acreditau).
- Kate Bruce, en o papel de muller en a ciudat.
- William J. Butler, en o papel de oficial de l'Exercito estausundiense.
- W. Christy Cabanne, en o papel de soldau de l'Exercito estausunidense.
- Edna Foster, en o papel de muller en o baile.
- Joseph Graybill, en o papel de oficial de l'Exercito estausunidense.
- Guy Hedlund, en o papel de soldau de l'Exercito estausunidense.
- Dell Henderson, en o papel de oficial de l'Exercito estausunidense.
- Harry Hyde, en o papel de soldau de l'Exercito estausunidense.
- J. Jiquel Lanoe, en o papel de oficial de l'Exercito estausunidense.
- W. Chrystie Miller, en o papel de muller en o baile.
- Alfred Paget, en o papel de oficial de l'Exercito confederau.
- W. C. Robinson, en o papel de soldau de l'Exercito estausunidense.
- Kate Toncray, en o papel de muller en a despedida y en o baile.
Conservación
Se conservan a-saber-las de copias d'ista cinta arredol d'o mundo, como en o Museu d'Arte Muderno de Nueva York, l'UCLA Film and Television Archive , o George Eastman Museum u la Filmoteca Española.
Se veiga tamién
Referencias
Vinclos externos
.jpg)
