Terrero (cheomorfolochía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Terrers en Sobrarbe.

Afloramiento de terrers en o termino municipal d'A Buerda (Sobrarbe).

Paisache de pins esparzos en os caballons d'un cantimplano dominau de terrers.

Terrero ye como se diz en parte de l'Alto Aragón a un modelau cheolochico que se desembolica en as archilas cuan no bi ha prou vechetación pa aturar a fuerza d'as auguas que circulan por a ladera cuan pleve.

Os terrers se pueden formar en zonas semiaridas con poca vechetación u en zonas con clima humido cuan s'ha perdiu a vechetación por causas tanto naturals como humanas. Cuan l'augua de plevia caye con fuerza (feito normal en zonas semiaridas) l'augua esgarrapa con facilidat as archilas, que no gosan estar cementadas, y creya un denso rete de galachos chicos que se fan mes grans ladera enta baixo y acaban tenendo connexión con barrancos u torrents.

En a depresión d'Ebro son muito comuns, por l'abundancia de terrenos archilosos deforestaus. Tamién son comuns en as cuencas marguinals d'o Sistema Iberico como por eixemplo arredol de Teruel. En l'Alto Aragón se desembolican a sobén en os Salagons d'Arguis cuan desaparixe a vechetación, porque os salagons tienen una fracción archilosa que queda sola cuan se disuelve a fracción calsinosa.

• Datos: Q272921
• Multimedia: Badlands / Q272921