|
Taifa d'Albarracín
La Taifa d'Albarracín u Reino d'Albarracín estió una chicota taifa independient entre los sieglos IX y XII. Dende la suya independencia de lo Califato de Cordoba en 1012 fue gubernata por los Banu Razín, familia berber que yera establita en la Sierra d'Albarracín Lo territorio de la taifa yera chicot, situato entre lo curso alto de lo Guadalaviar, a on que yera la suya capital Albarracín, lo curso alto de lo Xiloca y tota la compleganza de lo río Alfambra.  La independencia de la taifa remató con la plegata de los almurabitz. Cuan los almurabiz perdioron poder, la zona la se disputaban reis taifas de Murcia y Valencia dica que en 1147 Albarracín quedó en poder de lo Rei Lop, como tot lo Levant musulmán hispano (Xarq al-Andalus). Se crei que en ixas envueltas de los musulmans la Sierra d'Albarracín no teneba tantas aldeyas como en lo periodo cristiano, y chunto con la ciudat u medina d'Albarracín bi heba un poblamiento rural basato en alquerías, en huertas habitatas por comunidaz poco lumerosas protechitas por cualques torres. Lo Sinyor d'Estella Pero Ruíz d'Azagra, aliato de lo Rei Lop se fació con lo poder de Santa María de Aben Razín u Sinyoría d'Albarracín comprando-la u recibindo-la a cambio de los suyos servicios enta 1170. Se veiga tamién
|
|||||||||||||||||||||||||||
.svg){kind=small}
