|
Star Trek (cinta)
Star Trek (títol orichinal en anglés, en aragonés Camín d'as estrelas, enguerada en Aragón con o suyo títol orichinal) ye una cinta de cine estausunidense de cine de ciencia-ficción de l'anyo 2009, dirichida por J. J. Abrams y producida por J. J. Abrams y Damon Lindelof ta las productoras Spyglass Entertainment y Bad Robot Productions con guión cinematografico de Roberto Orci y Alex Kurtzman, y protagonizada por John Cho, Ben Cross, Bruce Greenwood, Simon Pegg, Chris Pine, Zachary Quinto, Winona Ryder, Zoe Saldana, Karl Urban, Anton Yelchin, Eric Bana y Leonard Nimoy. Ye l'oncena cinta d'a franquicia de Star Trek, y tamién ye un reinicio que presenta a os personaches prencipals d'a serie de televisión orichinal de Star Trek interpretaus por un nuevo elenco, como lo prencipio d'a serie de cintas reiniciada. A cinta sigue a James T. Kirk (Chris Pine) y a Spock (Zachary Quinto) a bordo de l'USS Enterprise entre que luitan contra Nero (Eric Bana), un romulán d'o suyo futuro que menaza a la Federación Unida de Planetas. A historia s'escayece en una realidat alternativa debiu a lo viache en o tiempo tanto de Nero como d'o Spock orichinal (Leonard Nimoy). A linia de tiempo alternativa se creyó en un intento de liberar a la cinta y a la franquicia d'as limitacions de continidat establidas y a lo mesmo tiempo preservar os elementos orichinals d'a historia. A ideya d'una cinta precuela que seguiría a os personaches de Star Trek mientres a suya tiempo en a Starfleet Academy estió discutida por o creyador d'a serie Gene Roddenberry en 1968. O concepto resurtió en zaguerías d'o decenio de 1980, cuan Harve Bennett lo postuló como una posible trama d'o que se convertiría en Star Trek VI: The Undiscovered Country, pero Roddenberry lo refusó en favor d'atros prochectos. Dimpués d' o fracaso critico y comercial de Star Trek: Nemesis y a cancelación de Star Trek: Enterprise, o productor executivo d' a franquicia Rick Berman y o guionista Erik Jendresen escribioron una cinta no producida titulada Star Trek: The Beginning, que s'escaiciría dimpués d'Enterprise. Dimpués d'a separación de Viacom y CBS Corporation en 2005, l'antigo president de Paramount Pictures, Gail Berman, convenció a la CBS pa que permitise a la Paramount producir una nueva cinta en a franquicia. Se contactó a Orci y Kurtzman, toz dos fanaticos de Star Trek, pa escribir a cinta, y se contactó a J. J. Abrams pa que la dirichise. Kurtzman y Orci s'inspiroron en novelas y disertacions d'estudios de postgrau, asinas como en a propia serie. A fotografía prencipal prencipió o 7 de noviembre de 2007 y remató o 27 de marzo de 2008. A cinta se rodó en cuantos puestos de California y Utah. Abrams quereba privar l'emplego de pantalla azul y pantalla verda, optando por fer servir conchuntos y ubicacions en cuentas. O gran secreto rodiaba a producción d'a cinta y se presentaba baixo lo titol falso de Corporate Headquarters. Industrial Light & Magic utilizó naus dichitals pa la cinta, a diferencia d'as miniaturas utilizadas en a mayoría d'as cintas anteriors d' a franquicia. A producción d'a cinta concluyó en zaguerías de 2008. Star Trek estió amplament promocionada en os meses previos a lo suyo enguero; procheccions previas a l'enguero d'a cinta en ciudaz selectas de tot o mundo, incluyidas Austin (Texas), Sydney (Australia) y Calgary (Canadá).[1] Estió enguerada en os Estaus Unius y Canadá l'8 de mayo de 2009, con gran exito de critica. A cinta estió un exito de taquilla, replegando mas de 385,7 millons de dólars en tot o mundo contra o suyo presupuesto de producción de nomás que 150 millons. Estió nominada a diversos premios, incluyius cuatro Premios Oscar en a suya 82ena edición, y finalment ganó l'Oscar a lo Millor Maquillache, lo que la convertií en a primera cinta de Star Trek en ganar un Premio de l'Academia. La siguioron as secuelas Star Trek Into Darkness y Star Trek Beyond en 2013 y 2016, respectivament. Reparto
Se veiga tamiénReferencias
Vinclos externos
|
||||||||||||||||||||||||||||||||||||||||||||||||||
Portal di Ensiklopedia Dunia
