Sistema Internacional d'Unidaz

Nomás bi ha tres estaus que encara no han adoptau lo Sistema Internacional d'Unidaz como lo suyo unico sistema de mesuras: Liberia, Birmania y Estaus Unius.

O Sistema Internacional d'Unidaz, abreviau SI[1] (d'o francés Système International d'Unités) ye lo sistema d'unidaz mas emplegau en o mundo, tanto en a ciencia como en a vida diaria (comercio), y ye la evolución d'o sistema metrico decimal.

L'antigo sistema metrico decimal presentaba diferents grupos d'unidaz como lo sistema mks (metro-quilogramo-segundo) u o sistema cgs (centimetro-gramo-segundo), que a la vegada tamién presentaban variants. O SI se desembolicó a partir de l'antigo sistema mks, y fue adoptato en a 11^ena Conferencia Cheneral de Pesos y Mesuras que se celebró en a ciudat de París entre l'11 y lo 20 d'octubre de 1960.

Como se puet observar en o mapa d'o costau, hue lo día la utilización d'o SI ye practicament universal y cuasi dengún estau mantiene definicions oficials d'atras unidaz. A unica excepción notable son os Estaus Unius d'America a on que lo suyo sistema tradicional d'unidaz (United States customary units) contina estando amplament emplegau en a vida diaria, encara que con definicions basadas en o SI. L'uso d'o SI en os Estaus Unius nomás s'incrementa en a escuela, a ciencia y a industria.[2]

Unidaz basicas

As unidaz basicas d'o SI han estau establidas por a Conferencia Cheneral de Pesos y Mesuras a propuesta d'o Bureau International des Poids et Mesures ("Oficina Internacional de Pesos y Mesuras"); bi'n ha 7, bien definidas, que, por convenio, se consideran dimensionalment independients:

Unidaz basicas d'o SI[3]

Nombre	Simbolo	Magnitut	Definición
metro	m	longaria	Un metro ye a longaria d'o trachecto que recorre a luz en o vueito mientres un 299.792.458^eno de segundo.[4]
kilogramo	kg	masa	Un kilogramo ye a masa d'o prototipo internacional d'o kilogramo. Ye a unica unidat que ye definida en relación a un obchecto.[5]
segundo	s	tiempo	Un segundo ye a durada de 9.192.631.770 periodos d'a radiación correspondient a la transición entre os dos nivels hiperfinos d'o estau fundamental de l'atomo de cesio 133.[6]
ampere	A	corrient electrica	Un ampere ye a cantidat de corrient constant que, si se mantiene en dos conductors paralelos, rectilinios, de longaria infinita, de sección circular negligible y situaus en o vueito a una distancia d'un metro l'un de l'altro, producirba entre istos conductors una fuerza de 2·10^−7 newtons por metro de longaria.[7]
kelvin	K	temperatura termodinamica	Un kelvin ye un 273,16^eno d'a temperatura termodinamica d'o punto triple de l'augua.[8]
candela	cd	intensidat luminosa	Una candela ye la intensidat luminosa, en una dirección determinada, d'una fuent que emite una radiación monocromatica de frecuencia 540·10^12 Hz a intensidat enerchetica en ista dirección d'a cual ye d'un 683^eno de watt por estereoradiant.[9]
mol	mol	cantidat de materia	Un mol ye la cantidat de materia d'un sistema que contiene tantas entidaz elementals como atomos bi ha en 0,012 kg de carbonio 12.[10]

Unidaz derivadas

A partir d'istas unidaz base se pueden definir unidaz derivadas, en a tabla siguient s'amuestran as que tienen un nombre y un simbolo especial:

Unidaz derivadas d'o Sistema Internacional con nombre especifico[11]

Magnitut fisica	Nombre d'a unidat d'o SI	Simbolo d'a unidat	Expresión en termins d'atras unidaz	Expresión en termins d'as unidaz basicas d'o SI
Frecuencia	herz	Hz	${\displaystyle {\mbox{s}}^{-1}}$
Fuerza	newton	N	${\displaystyle {\mbox{kg}}\cdot {\mbox{m}}\cdot {\mbox{s}}^{-2}}$
Presión, tensión	pascal	Pa	${\displaystyle {\mbox{N}}\cdot {\mbox{m}}^{-2}}$	${\displaystyle ={\mbox{kg}}\cdot {\mbox{m}}^{-1}\cdot {\mbox{s}}^{-2}}$
Enerchía, treballo, calor	joule	J	${\displaystyle {\mbox{N}}\cdot {\mbox{m}}}$	${\displaystyle ={\mbox{kg}}\cdot {\mbox{m}}^{2}\cdot {\mbox{s}}^{-2}}$
Potencia, fluxo radiant	watt	W	${\displaystyle {\mbox{J}}\cdot {\mbox{s}}^{-1}}$	${\displaystyle ={\mbox{kg}}\cdot {\mbox{m}}^{2}\cdot {\mbox{s}}^{-3}}$
Carga electrica	coulomb	C	${\displaystyle {\mbox{A}}\cdot {\mbox{s}}}$
Potencial electrico, fuerza electromotriz	volt	V	${\displaystyle {\mbox{J}}\cdot {\mbox{C}}^{-1}}$	${\displaystyle ={\mbox{m}}^{2}\cdot {\mbox{kg}}\cdot {\mbox{s}}^{-3}\cdot {\mbox{A}}^{-1}}$
Resistencia electrica	ohm	Ω	${\displaystyle {\mbox{V}}\cdot {\mbox{A}}^{-1}}$	${\displaystyle ={\mbox{m}}^{2}\cdot {\mbox{kg}}\cdot {\mbox{s}}^{-3}\cdot {\mbox{A}}^{-2}}$
Conductancia electrica	siemens	S	${\displaystyle {\mbox{A}}\cdot {\mbox{V}}^{-1}}$	${\displaystyle ={\mbox{s}}^{3}\cdot {\mbox{A}}^{2}\cdot {\mbox{m}}^{-2}\cdot {\mbox{kg}}^{-1}}$
Capacitancia electrica	farad	F	C · V^−1	${\displaystyle ={\mbox{s}}^{4}\cdot {\mbox{A}}^{2}\cdot {\mbox{m}}^{-2}\cdot {\mbox{kg}}^{-1}}$
Densidat de fluxo magnetico, inducción magnetica	tesla	T	${\displaystyle {\mbox{V}}\cdot {\mbox{s}}\cdot {\mbox{m}}^{-2}}$	${\displaystyle ={\mbox{kg}}\cdot {\mbox{s}}^{-2}\cdot {\mbox{A}}^{-1}}$
Fluxo magnetico	weber	Wb	${\displaystyle {\mbox{V}}\cdot {\mbox{s}}}$	${\displaystyle ={\mbox{m}}^{2}\cdot {\mbox{kg}}\cdot {\mbox{s}}^{-2}\cdot {\mbox{A}}^{-1}}$
Inductancia	henry	H	${\displaystyle {\mbox{V}}\cdot {\mbox{s}}\cdot {\mbox{A}}^{-1}}$	${\displaystyle ={\mbox{m}}^{2}\cdot {\mbox{kg}}\cdot {\mbox{s}}^{-2}\cdot {\mbox{A}}^{-2}}$
Temperatura	grau Celsius	°C	t°C = tK - 273,15
anglo plan	radiant	rad	1	${\displaystyle ={\mbox{m}}\cdot {\mbox{m}}^{-1}}$
Anglo solido	estereoradiant	sr	1	${\displaystyle ={\mbox{m}}^{2}\cdot {\mbox{m}}^{-2}}$
Fluxo luminoso	lumen	lm	cd · sr
Iluminancia	lux	lx	cd · sr · m^−2
Activitat radioactiva	becquerel	Bq	s^−1
Dosi absorbita (de radiación ionizant)	gray	Gy	J · kg^−1	${\displaystyle ={\mbox{m}}^{2}\cdot {\mbox{s}}^{-2}}$
Dosi equivalent (index de radiación ionizant)	sievert	Sv	J · kg^−1	${\displaystyle ={\mbox{m}}^{2}\cdot {\mbox{s}}^{-2}}$
Actividat catalitica	katal	kat	mol · s^−1

Prefixos

S'han definiu una serie de prefixos que se pueden combinar con cualsiquier unidat ta formar unidaz derivadas adecuadas ta fer mesuras en órdens de magnitut superior u inferior. O grupo formau por o prefixo y lo simbolo d'a unidat ye inseparable. Os simbolos d'os multiplos s'escriben en mayuscla mientres que ta os submultiplos s'emplegan minusclas. Ista regla tien as excepcions d'os multiplos deca (da), hecto (h), y kilo (k) que se simbolizan con minusclas.

Prefixos d'o Sistema Internacional d'Unidaz[12]

Multiplos	Nombre	deca-	hecto-	quilo-	mega-	giga-	tera-	peta-	exa-	cetta-	yotta-
	Simbolo	da	h	k	M	G	T	P	E	Z	Y
	Factor	10^1	10^2	10^3	10^6	10^9	10^12	10^15	10^18	10^21	10^24
Submultiplos	Nombre	deci-	centi-	mil·li-	micro-	nano-	pico-	femto-	atto-	cepto-	yocto-
	Simbolo	d	c	m	µ	n	p	f	a	z	y
	Factor	10^−1	10^−2	10^−3	10^−6	10^−9	10^−12	10^−15	10^−18	10^−21	10^−24

Referencias

1. Nombre y abreviadura oficials seguntes a resolución num. 12 d'a 11^ena Conferencia Cheneral de Pesos y Mesuras de 1960.
2. CIA. World Factbook. 2008.
3. Definicions oficials
4. Definición oficial d'o metro.
5. Definición oficial d'o kilogramo.
6. Definición oficial d'o segundo.
7. Definición oficial de l'ampere.
8. Definición oficial d'o kelvin.
9. Definición oficial d'a candela.
10. Definición oficial d'o mol.
11. BIMP. Units with special names and symbols; units that incorporate special names and symbols.
12. BIMP: SI prefixes

• Datos: Q12457
• Multimedia: International System of Units / Q12457