|
Sira Repollés Lasheras
Sira Repollés Lasheras ye una medica y politica aragonesa que estió consellera de Sanidat d'o Gubierno d'Aragón. BiografíaNaixida de Zaragoza, o 10 de chulio de 1963. Filla de l'exalcalde de Casp y expresident d'a Deputación Provincial de Zaragoza, Florencio Repollés Julve.[1][2][3] Se licenció en Medicina y Cirurchía en 1987 en a Universidat de Zaragoza, a on estió companyera de Fernando Simón, encara que se conoixen dende a chiqueneza.[4][5] Ye medico especialista en Obstetricia y Chinecolochía dende 1992. Ha exerciu como vicepresidenta de l'Asociación de Chinecologos d'Aragón, vicepresidenta d'a Sociedat Aragonesa d'Anticoncepción y ye miembro d'a Chunta Directiva d'a Sociedat Espanyola de Contracepción. Ye profesora asociada de Ciencias d'a Salut d'a Facultat de Medicina d'a Universidat de Zaragoza. Vida politicaSonó como candidata en as eleccions municipals de 2015 como numero 2 en a lista d'o PSOE de Zaragoza de Carlos Pérez Anadón, encara que o suyo mariu, Javier Trívez Bielsa, exerció como portavoz d'Hicienda en o Concello de Zaragoza.[1] Consellería de SanidatO 14 de mayo de 2020[2] prenió posesión como Consellera de Sanidat d'o Gubierno d'Aragón, y sustituyó a Pilar Ventura que dimitió d'o suyo cargo[6] dimpués d'unas polemicas declaraciones en a Comisión de Sanidat d'as Corz d'Aragón. A chestión de Repollés ha estau marcada por a pandemia de COVID-19.[3] Antis de rematar o suyo mandato anunció que no seguiría en politica en a siguient lechislatura.[7] Referencias
|
|||||||||||||||||||||||||||||||||
Portal di Ensiklopedia Dunia
