|
Sinoga Mayor de Zaragoza
A sinoga mayor de Zaragoza yera la prencipal sinoga d'a chudería de Zaragoza. O suyo bago l'ocupa l'actual ilesia d'o Seminario de Sant Carlos, en o puesto a on se trobaba a plaza d'a Sinoga, centro d'o barrio chodigo. En o sieglo XV constaba de planta basilical con tres naus, estando a central mas altera que as laterals y deseparada d'ista por pilars. Per o rafe d'a nau central i heba un salmo d'a Torah escrito en hebreu en colors royas y azuls.[1] O suyo teito yera de fusta dorada y adornada con carrazos de mocarabes. Teneba siet puertas, tres en cada lateral y una dentrada prencipal en o suyo muro occidental. En a suya paret septentrional bi heba un menorah azul y royo. HistoriaEn a sinoga mayor se reuniba dende a o menos l'anyo 1311 l'alchama pa tractar os asuntos mas importants d'a comunidat chodiga en a ciudat. Astí yera alzau tamién l'archivo de l'alchama. Una parti desapareixió dimpués d'un incendio, la resta marchó a l'exilio con cualques familias mientres a expulsión de 1492.[2] No yera a mayor chodiga d'o reino ni yera especialment fachendosa. Os expertos sinyalan que a suya arquitectura podría ser semellant a la sinoga de Santa María la Blanca de Toledo u a d'o Corpus Christi de Segovia por o que podría datar-se en o sieglo XIII, estando coetania d'os banyos chodigos. Referencias
Bibliografía
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.jpg)
Portal di Ensiklopedia Dunia
