Sid Vicious

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sid Vicious
Información personal
Nombre	John Simon Ritchie
Embotada	Sid Vicious
Naixió	Londres, 10 de mayo de 1957
Murió	Nueva York, 2 de febrero de 1979
Información musical
Orichen
Estilo
Ocupancia
Instrumentos	Baixo, voz
Tiempo
Discograficas	EMI Virgin Records
Relacionau con	Sex Pistols Siouxsie & the Banshees The Flowers of Romance Vicious White Kids
Pachina web

John Simon Ritchie (10 de mayo de 1957, Londres - 2 de febrero de 1979, Nueva York), mas conoixito como Sid Vicious, yera o baixista d'o grupo punk Sex Pistols.

Primers anyos

Sid Vicious naixió con o nombre de John Simon Ritchie de Londres. Sus pais yeran John y Anne Ritchie (naixita McDonald). Su pai yera guardia en o palacio de Buckingham y tanyeba o trombón de forma semi-profesional aintro d'a escena jazz d'a capital britanica.[1] Poco dimpués d'o naiximiento de John, su pai albandonó a la familia. John y su mai se tresladoron enta a isla d'Eivissa. Ella se casó con Christopher Beverley en 1965, treladando-se-ne a familia enta Kent. John prenió l'apellito d'o suyo padastro, decindo-se dende alavez John Beverley.

O suyo padastro morio seis meses dimpués, y en 1968 John y su mai viviban en un piso alquilato en Tunbridge Wells, a on que iba a la escuela Sandown Court School. En 1971, os dos se tresladoron enta Hackney en l'este de Londres. Tamién pasó bels anyos d'a suya vida en Somerset, a on que estió alumno d'a Clevedon Secondary Modern.

John Lydon (conoixito como Johnny Rotten) metió a embotada de "Sid Vicious" a John, en honor d'a mascota de Lydon, un hamster dito Sid. O hamster mordió a Ritchie, qui dició "Sid is really vicious!"[2] ("Sid ye realment un viciato!") L'animal fue descrito por Lydon como "a cosa mas suau, peluda y cerruda d'a tierra."[3] Por ixas envueltas, Ritchie feba parti d'o movimiento ocupa chunto con Lydon, Jah Wobble, y John Gray, estando coloquialment conoixitos como "Os cuatre Johns".

Seguntes John Lydon, os dos gosaban sacar-se bels diners cantando y tanyendo a pandereta. Feban versions de cancions d'Alice Cooper, y a chent les daba diners ta que se callasen.[4]

D'alcuerdo con o fotografo d'o grupo, Dennis Morris, John yera "una persona contreita y timida."[5] Manimenos, él asaltó en una ocasión a o periodista d'a NME Nick Kent con una cadena de motocicleta con l'aduya de John Joseph Wardle (Jah Wobble).[6] Atra vegata, en o club londinenco The Speakeasy (popular entre as estrelas d'o rock por ixas envueltas) menazó a o DJ y presentador d'a BBC Bob Harris.

Discografía

Singles

Debuixo de Sid Vicious.

• "My Way" (30 de chunio de 1978) - (B-side Chatterbox).
• "Something Else" (9 de febrero de 1979).
• "C'mon Everybody" (22 de chunio de 1979).

Discos

• Sid Sings (15 d'aviento de 1979).

Filmografia

Retrato de Sid Vicious

.

1. Sex Pistols Number One (1976, dir. Derek Jarman).
2. Will Your Son Turn into Sid Vicious? (1978).
3. Mr. Mike's Mondo Video (1979, dir. Michael O'Donoghue).
4. The Punk Rock Movie (1979, dir. Don Letts).
5. The Great Rock'n'Roll Swindle (1979, dirichita por Julien Temple).
6. DOA (1981, dirichita por Lech Kowalski).
7. Sid and Nancy (1986, dirichita por Alex Cox, DVD).
8. Buried Alive (1991, Sex Pistols).
9. Decade (1991, Sex Pistols).
10. Bollocks to Every (1995, Sex Pistols).
11. Filth to Fury (1995, Sex Pistols).
12. Classic Chaotic (1996, Sex Pistols).
13. Kill the Hippies (1996, Sex Pistols, VHS).
14. The Filth and the Fury (2000, dirichita por Julien Temple, VHS/NTSC/DVD).
15. Live at the Longhorn (2001, Sex Pistols).
16. Live at Winterland (2001, Sex Pistols, DVD).
17. Never Mind the Bollocks Here's the Sex Pistols (2002, Sex Pistols, VHS/DVD).
18. Punk Rockers (2003, Sex Pistols, DVD).
19. Blood on the Turntable: The Sex Pistols (2004, dirichita por Steve Crabtree).
20. Music Box Biographical Collection (2005, Sex Pistols, DVD).
21. Punk Icons (2006, Sex Pistols, DVD).
22. American Hardcore (2007, DVD).
23. Chaos! Ex Pistols Secret History: The Dave Goodman Story (2007, Sex Pistols, DVD).
24. Pirates of Destiny (2007, dirichita por Tõnu Trubetsky, DVD).
25. Rock Case Studies (2007, Sex Pistols, DVD).
26. Who Killed Nancy? (2009, dirichita por Alan G. Parker).
27. In Search of Sid (2009, BBC Radio 4, Jah Wobble)[7]

Citas

Undermine their pompous authority, reject their moral standards, make Anarchy and disorder your trademarks, cause as much chaos and disruption as possible but don’t let them take you alive.

Sid Vicious, 1977

Referencias

• Se veigan as imáchens de Commons sobre Sid Vicious.

1. (en) The Filth and The Fury, St. Martin's Press, 2000, pg. 13
2. The Filth and the Fury, St. Martin's Press, 2000, pg. 90
3. Lydon, John, "Rotten," Plexus Publishing (1993), p. 57. ISBN 978-0859653411.
4. (en) The Filth and The Fury, St. Martin's Press, 2000, pg. 41
5. (en) Sid Vicious Biography - hotshotdigital.com
6. (en) The Guardian. Wells, Steven. 8 de chinero de 2008
7. Interview with post-punk legend Jah Wobble about music, Sid Vicious, star signs, Brexit and everything else you can think of - Silvia Pingitore, the-shortlisted.co.uk

• Datos: Q47878
• Multimedia: Sid Vicious / Q47878