|
Santuario d'a Virchen d'o Pueyo
O Santuario d'a Virchen d'o Pueyo[1] u tamién dito Monesterio de Nuestra Sinyora d'o Pueyo ye un edificio de culto catolico situau a bels cinco kilometros d'a localidad uescana de Balbastro[2] OrichensOs suyos orichens datan de l'anyo 1101, cuan seguntes a tradición, bi habió una aparición d'a Virchen María a un pastor dito Balandrán. En ixa epoca sirvió de puesto enantau a Pero I d'Aragón pa a conquiesta de Uesca. O primer documento historico en o que apareixe nombrau, corresponde a un documento datau en Leida en l'anyo 1251, en o que Chaime I d'Aragón estableixe una capellanía en o Pueyo de Balbastro. D'istos orichens surte una inicial ilesia y claustro romanicos. Posteriorment s'enamplan a o gusto gotico. L'edificio sofre una important reforma y enamplación en zaguerías d'o sieglo XVII. En l'anyo 1843, mientres a desamortización, os terrenos espropiaus se releoron en a ciudat de Uesca, pa posteriorment tornar a fer-lo en Balbastro. Uns vecins de Balbastro marchoron en caballo dica Uesca pa saber por cuanto s'heba puixau en Uesca y asinas poder puyar a puixa en Balbastro y poder quedar-se a ciudat con o santuario. Iste feito historico queda reflectau en un libro titulau “Historia Documentada del Santuario del Pueyo”, escrito en 1933 por o R. P. Román Rios O.S.B.,[3] prior benemerito d'o Monesterio. En 1889 se i estableixe a Orden de Sant Benedet que en 1936 perdió aquí a 18 monches consideraus mártirs mientres a Guerra Civil Espanyola. Dimpués d'a guerra, atra comunidat beneditina habió de fer-se cargo d'o monesterio, dica que lo entregoron en 1962 a os Misioners Fillos d'o Inmaculau Corazón de María que estioron presents dica que o 30 d'agosto de 2009 prenioron o relevo os monches d'o Instituto d'o Verbo Encarnau. Romería a o Santuario de Nuestra Sinyora d'o PueyoSe reyaliza una romería popular a o santuario o primer lunes de Pascua, con celebración d'a Santa Misa y aperitivo pa os asistents. CatalogaciónSe troba inscrita en o Inventario d'o Patrimonio Cultural Aragonés por o que seguntes a ley 3/1999 de 10 de marzo d'o Patrimonio Cultural Aragonés tien a protección de Bien inventariau d'o patrimonio cultural aragonés. CheodesiaBi ha un vértiz cheodesico situau chunto a o santuario con una altaria de 605 metros dende o livel d'a mar[4]. Referencias
Vinclos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
