|
Rostock
A Ciudat Hanseatica de Rostock una ciudat de Mecklemburgo-Pomerania Occidental, Alemanya. Se troba a canto d'a mar Baltica, en l'abocadero d'o río Warnow. A ciudat s'extiende por bels 16 km a lo largo d'o río, que desemboca en a mar en l'extremo norte d'a ciudat, entre os districtos de Warnemünde y Hohe Düne. O centro d'a ciudat se troba río alto, en l'extremo sud d'a ciudat. Si bien a mayoría d'os habitants de Rostock viven en o costau occidental de Warnow, l'aria a o este d'o río ye dominada por o puerto, os poligonos industrials y a selva Rostocker Heide. A costa d'a ciudat a o este y a o ueste de l'abocadero d'o río ye relativament subdesembolicada, predominando as largas plachas d'arena. ClimaA temperatura meya de l'aire ye de 8,4 °C, con una precipitación meya anyal de 591 mm. HistoriaEn o sieglo XI, os eslaus polacos fundoron un asentamiento en o río Warnow clamau Roztoc (*ras-tokŭ, palabra eslava pa "bifurcación d'un río"); asinas o nombre Rostock se deriva d'ixa designación. O rei danés Valdemar I pretó fuego a ciudat en 1161. Posteriorment, arredol de l'anyo 1200, o puesto estió colonizado por marchants alemans, y como ciudat hanseatica mantenió amplias relacions comercials con o Norte, o Este y o Ueste d'Europa. L'estuario d'o río Warnow, a que as suyas marguinas se troba a ciudat, representaba l'emplazamiento ideyal pa una ciudat y puerto comercial. En 1419 se fundó aquí a primera Universidat d'o Norte d'Europa. A prosperidat y a situación estratechica d'a ciudat provocoron a invidia d'os daneses y suecos, que la ocuporon dos vegadas: A primera entre a Guerra d'os Trenta Anyos (1618-1648) y a segunda entre 1700 y 1721. Entremistanto, un gran incendio heba destruiu buena parte d'a ciudat (1677). A reactivación economica plegó con a industrialización a meyaus d'o sieglo XIX. Alavez contaba con a mayor flota mercant de toda a costa baltica. Manimenos, iste progreso se remató de forma abrupta como consecuencia d'a Primera Guerra Mundial (1914-1918) y d'a depresión d'os anyos trenta. Os bombardeyos estratechicos entre a Segunda Guerra Mundial, perpetraus por os Aliaus en 1942 con l'obchectivo de arranar a suya industria deixoron a ciudat cuasi completament allerada. En 1945 estió presa por l'Exercito Rojo, y formó parte d'a zona d'ocupación sovietica y, mas tarde, d'a Republica Democratica Alemana (RDA). Entre o periodo d'a RDA, a ciudat estió considerada como o simbolo d'a recuperación de l'Alemanya Oriental. Estió reconstruida en a suya practica totalidat seguindo la planta y o disenyo previo a la guerra, y os edificios d'o casco antigo estioron restauraus. En ista epoca, Rostock estió o prencipal puerto comercial d'a RDA, y o comercio y a construcción naval centraban a suya economía. Puestos d'intrésIlesias
Muralla y as suyas puertas
Atros
Fiestas
Personalidaz naixitas de Rostock
Ciudaz achirmanadas
Vinclos externos |
||||||||||||||||||||||||||||||
Portal di Ensiklopedia Dunia
