Rise Against
Rise Against ye un grupo estausunidense de punk rock orichinaria de Chicago, Illinois, establita en 1999. O grupo ye formato actualment por Tim McIlrath (cantaire y guitarra ritmica), Zach Blair (guitarra líder y coros), Joe Principe (baixista, coros) y Brandon Barnes (batería y percusión). Mientres os suyos primers cinco anyos d'existencia sinyoron un contrato con a discografica independient Fat Wreck Chords, con a que publicoron dos discos d'estudio, The Unraveling (2001) y Revolutions per Minute (2003). Os dos tenioron prou exito y asinas en 2003, a banda sinyó un nuevo contracto con una gran discografica, Geffen. O disco debut d'o grupo con una discografica gran, Siren Song of the Counter Culture, levó a lo grupo por o camín d'o exito, tenendo bellas cancions d'exito. O cuatreno disco d'estudio, The Sufferer & the Witness, debutó en o numero diez d'a Billboard 200 chart y recibió sobrebuenas criticas. O cinqueno disco d'estudio d'o grupo, Appeal to Reason, amaneixió o 7 d'octubre de 2008 y debutó en o numero tres d'a Billboard 200 chart. Os tres discos que publicoron con Geffen obtenioron a certificación de disco de platino en Canadá y d'oro en os Estaus Unius. Os miembros d'o grupo refirman os dreitos d'os animals y a PETA, l'asociación en esfensa d'istos, siguen a filosofía straight edge y son veganos (fueras de Barnes). HistoriaOs anyos independients (1999–2003)Rise Against fue formata con o nombre de "Transistor Revolt"[1] en 1999 por os antigos miembros d'as grupos 88 Fingers Louie y Baxter.[2] A primera formación d'o grupo teneba a Tim McIlrath (voz), Joe Principe (baixo y voz), Toni Tintari (batería), y Mr. Precision (guitarra y voz). A tamas de que o grupo nunca no actuó en directo con ista formación, si que publicó una maqueta producita por els mesmos y dita Transistor Revolt en 2000, un anyo antis de sinyar un contracto con Fat Wreck Chords. Tintari deixó o grupo poco dimpués d'a gravación, y fue sustituyito Brandon Barnes, dimpués d'un curtet periodo de tiempo con Dan Lumley de Screeching Weasel y Squirtgun como batería. O grupo cambeó o suyo nombre a "Rise Against" en 2001 y publicó o suyo primer disco, The Unraveling (producito por o veterano productor punk Mass Giorgini) en Fat Wreck Chords ixe mesmo anyo.[3] Mr. Precision left the band in 2001, and was replaced by Todd Mohney.[1] Dimpués d'una chira de presentación de The Unraveling, o grupo tornó a o estudio en aviento de 2002 ta treballar en o suyo segundo disco, Revolutions per Minute (producito por Bill Stevenson y Jason Livermore en The Blasting Room),[2][3] que amaneixió en 2003. O grupo fació una chira en a que presentó os suyos dos discos, actuando como teloners de Sick of It All, NOFX, Agnostic Front, No Use for a Name,[4] AFI, y Strung Out. A mas, Rise Against participó en o Warped Tour de 2003.[5] Siren Song of the Counter Culture (2004–2005)Rise Against sinyó con Dreamworks Records en aviento de 2003 y gravó o suyo tercer disco Siren Song of the Counter Culture, en 2004.[3] Poco dimpués Dreamworks fue absorbita por Universal Music Group, y Rise Against cambeó de discografica a Geffen Records, una empresa tamién propiedat de Universal Music Group. Un poquet dimpués, Mohney deixaba o grupo y yera reemplazato por o guitarrista Chris Chasse. Rise Against publicó lo disco Siren Song of the Counter Culture en agosto de 2004 con Geffen Records. O disco, amás d'estar o primero d'o grupo con una gran discografica, estió o primero en dentrar en a lista Billboard 200[2] and was certified gold by the Recording Industry Association of America (RIAA).[6] As criticas d'o disco estioron por un regular positivas, pero tamién bi'n habió de negativas por o suyo sonito mas comercial y melodico en comparanza con os anteriors treballos de Rise Against. Dimpués d'a suya puntuación de 3 estrelas sobre 5, Johnny Loftus de Allmusic comentó que: "Siren Song of the Counter Culture a vegatas entusiasma con as suyas prebatinas melodicas".
Manimenos, dició que: "Se puet deber a que ye o primer disco d'o grupo con una gran discografica, "talment o sonito potent y as incursions ocasionals en guitarras acusticas y cellos... son bien."[7]
Rise Against fació una chira por Norteamerica, Europa, Australia, y Chapón presentando Siren Song of the Counter Culture.[8] Belunas d'as actuacions mas notables incluyen a primera chira internacional Taste of Chaos en 2005 (con Funeral for a Friend, Story of the Year, The Used, y Killswitch Engage),[3][9] una chira mundial por o Reino Uniu, Alemanya, Australia, y Chapón, a chira Give It a Name por o Reino Uniu, o Reading Festival y o Leeds Festival en o Reino Uniu, una chira por os Estaus Unius con Alkaline Trio, y o Warped Tour en Norteamerica. The Sufferer & the Witness (2006–2007)En chinero de 2006, dimpués d'una chira de presentación de Siren Song of the Counter Culture, Rise Against gravó o suyo cuatreno disco d'estudio en Blasting Room en Fort Collins, Colorado con Bill Stevenson y Jason Livermore como productors.[10][11] Mezclato por Chris Lord-Alge en Resonate Sound en Burbank, California,[11] The Sufferer & the Witness amaneixió o 4 de chulio de 2006.[12] o disco puyo dica o numero 10 en as listas Billboard 200 d'Estaus Unius, vendendo 48.397 copias en as suyas primeras semanas;[13] fue certificato como disco d'oro por a RIAA en 2008.[6] O periodico The Age dició sobre The Sufferer & the Witness, que o grupo "tornaba a las suyas radices punk."[14] Amás de conseguir os suyos millors resultatos en as listas d'exitos y en cifras de venta, o disco tenió buenas criticas. Corey Apar de Allmusic, en a suya critica d'o disco de 4 estrelas sobre 5, dició: "A bravura interior d'o grupo sale con acierto en meyo d'emocionants parolas de coro y punyo entalto."
y tamién comentó que: "Rise Against contina enfrontinando queixas politicas y personals a o ritmo de guitarras rapedas y dinamicas, ritmos asertivos, y a voz crebata de Tim McIlrath's."[15]
D'atra man, Christine Leonard de Fast Forward Weekly dició d'o grupo que: "Tornan a os suyos orichens d'a viella escuela con a intensidat fura d'os ladriellos", "con a mesma rapideza pierden o enfoque con un esfuerzo cuestionable como por eixemplo en 'Worth Dying For' u 'Prayer of the Refugee.'"[16]
O DVD titulato Generation Lost amaneixió o 5 d'aviento de 2006 ta promocionar a lo grupo y o suyo nuevo disco. Contiene un documental sobre a carrera de cadagún d'os miembros d'o grupo, asinas como videos d'actuacions en directo y making-ofs d'os videoclips.[17] Rise Against fació una chira presentando The Sufferer & the Witness en a segunda metat de 2006 y en 2007. O grupo estió una d'as cabezas de cartel en o Warped Tour 2006.[18] En zaguerías de 2006, facioron una chira chunto a Thursdía que encluyiba actuacions de Circa Survive y Billy Talent.[19] En primerías de 2007, estioron teloners de My Chemical Romance en a primera metat d'a suya chira.[20] O 23 de febrero de 2007, Rise Against anunció a salita d'o guitarrista Chris Chasse en a suya pachina web oficial.[21] Chasse fue sustituyito por o suyo amigo Zach Blair de Only Crime.[22] O 15 de chunio de 2007, o grupo prencipió con a suya primera chira oficial como grupo prencipal con o disco The Sufferer & the Witness; estió una chira por Norteamerica que duró mientres toz os meses de verano.[23] Mientres ista chira, o 3 de chulio de 2007, Rise Against publicó un EP en Canada titulato This Is Noise, que amaneixería en Estaus Unius o 15 de chinero de 2008. Appeal to Reason (2008–2010)Rise Against fació parti d'o 16eno KROQ Weenie Roast o 17 de mayo en Irvine, California, y d'o 6eno Download Festival o 13 de chunio en Donington Park, Anglaterra. Tamién tanyoron en o Greenfield Festival en Suiza y en o Hurricane Festival y o Southside Festival en Alemanya.[24][25] Como en atros anyos anteriors, o grupo fació parti d'o Warped Tour, a tamas de que decidioron actuar en a costa ueste nomás entre o 6 y o 17 d'agosto.[26] O cinqueno disco d'estudio de Rise Against, Appeal to Reason, amaneixió o 4 d'octubre en Australia, o 6 d'octubre en Europa, y o 7 d'octubre en os Estaus Unius. Se vendioron 64.700 copias d'o disco en a suya primera semana gosando estar o numero tres en a lista Billboard 200 d'Estaus Unius,[27] estando o disco de Rise Against con millor posición en listas dica hue. Appeal to Reason tenió por un regular buenas criticas. Manimenos, os criticos no lo situoron por dencima de The Sufferer & the Witness, mas que mas afirmando que s'amanaba una mica a la musica comercial y s'aleixaba mas d'o hardcore punk. Marc Weingarten de Entertainment Weekly, que puntuó o disco con un C+, dició que ye pleno de: "himnos de protesta que s'inclinan mas enta l'angunia "goyosa" de grupos como New Found Glory y Fall Out Boy que a la chenuina indignación intelichent de Green Day"
y que as cancions son: "plenas de vida, pero prou vuedas, acordes potents y calmudos con poco mueso."[28]
Kyle Anderson de Rolling Stone afirmó sobre as cancions de Appeal to Reason "son portiatas por una contina sensibilidat de corte pop."
Y tamién dició que: "Rise Against podría estar niervuda por deixar entazaga a escena underground, pero con cancions como istas, éls plegarán a la resta d'o mundo."[29]
Dos cancions nuevas d'o disco Appeal to Reason gravatas con Fat Wreck Chords amaneixioron o 12 de mayo de 2009.[30] S'encluyiban tamién as cancions Grammatizator y Voice of Dissent y amaneixioron en un vinilo de 7 pulgadas, con 1010 copias feitas en vinilo de colors y bellas 4008 en vinilo negro. Rise Against prencipió una chira por Norteamerica con Rancid, Billy Talent, Killswitch Engage, y Riverboat Gamblers en chunio y chulio de 2009.[31] Facioron una chicota chira por o Reino Uniu en noviembre, con os grupos Thursdía y Poison the Well como teloners.[32] O grupo tamién actuó en o KROQ's Almost Acoustic Christmas en aviento de 2009, tanyendo chusto debant d'AFI. O grupo publicará un disco conchunto con Face to Face, encara que no han fixato una calendata.[33] Dimpués de rematar una chira europea entre octubre y noviembre de 2009, una australiana en chinero y febrero de 2010 y una chira europea de verano, Rise Against prencipiará a gravar en agüerro de 2010.[34] Tamién ye confirmato que Rise Against actuarán como teloners de Green Day en Mainz, Alemanya[35] Endgame (2010–present)O 14 de setiembre de 2010, seguntes o guitarrista Zach Blair, Rise Against precipia en the Blasting Room (Fort Collins, Colorado) con a gravación d'o suyo seiseno disco d'estudio que amaneixerá en 2011. En o zaguer DVD de Rise Against, Another Station: Another Mile, bi ha eixemplos de posibles cancions que podrían apareixen en iste nuevo disco.[36] Por ixas envueltas Rise Against anuncia dos conciertos en Sudamentica, uno en Brasil y un atro en Argentina, y una chira de conciertos por Europa ta os meses de febrero y marzo de respectivament.[37] Rise Against remata con a gravación d'o suyo seiseno disco d'estudio, Endgame, en chinero de 2011, dimpués de gravar bellas colaboracions vocals ta o disco. As cancions d'iste disco se centran en eventos reals, como l'huracán Katrina u o escape de petrolio en o golfo de Mexico.[38] Seguntes o propio McIlrath, encara que as parolas parlan sobre desastres, éls en realidat miran de trobar un punto d'anvista positivo y escribir dende ixa perspectiva[39] O 12 de chinero de 2011, Rise Against anunció a calendata en que saldría Endgame, o 15 de marzo de 2011.[40] Encara que Spin Magazine etiquetó Endgame como un disco conceptual, o 7 de chinero de 2011, McIlrath twiteyó un mensache ta decir que "o disco no ye un disco conceptual y, no pasa cosa, no tien cosa a veyer con Dixie Chicks."[41] O primer single d'o disco, "Help Is on the Way", apareixió por primera vegada en a radio KROQ o 17 de chinero. Una segunda canción d'o disco, "Architects", apareixió tamién en formato dichital o día 15 de febrero d'o mesmo anyo. Como parti d'a promoción d'o disco, o grupo s'embarca en una curta chira por Sudamerica en febrero y dimpués por atra chira d'un mes de durada por Europa en marzo. En tornar ta os Estaus Unius, s'anuncia una nueva chira de primavera por os Estaus Unius chunto a Bad Religion y Four Year Strong. D'o disco Endgame se puet destacar que ye o primer disco en que Rise Against se posiciona clarament contra a homofobia con a tercera canción d'o disco, "Make It Stop (September's Children),"[42] que fa referencia a os suicidios entre adolescents pertenecients a la comunidat LGBT, mas que mas parlando d'os casos de Tyler Clementi, Billy Lucas, Harrison Chase Brown, Cody J. Barker, y Seth Walsh. O 10 de mayo de 2011, Rise Against publica un vinilo 7" chunto con o grupo de punk Face to Face. Iste 7" incluye 2 nuevas cancions, en as que cadagún d'os grupos fa una versión d'una canción de l'atra.[43][44] En agosto de 2011, Rise Against actuará en os festivals de Reading y Leeds presentando o nuevo disco.[45] Politica y eticaToz os miembros d'o grupo son vechetarians y miembros activos de PETA, y diferents organizacions d'esfensa d'os dreitos d'os animals.[46] En o video d'o single "Ready to Fall" apareixen imáchens de granchas de procesamiento d'animals, rodeos, cazata y tamién de temas como a deforestación, o deschelo d'os casquez polars y os incendios forestals. Seguntes o propio grupo iste ha estau o video mas important que nunca no han feito.[47] A versión comentata por o director amaneixió en a pachina web de PETA.[48] En 2009, o grupo fue trigato como a "Grupo mas en favor d'os animals" por PETA.[49] Amás d'estar estrictament vechetarians, toz os miembros de Rise Against, fueras d'o batería Brandon Barnes, siguen a filosofía straight edge, abstenendo-se d'o consumo d'alcohol y drogas.[50] A mas de refirmar os dreitos d'os animals, o grupo ye conoixita por emparar atras causas politicas liberals. Asinas mientres as eleccions presidencials d'Estaus Unius de l'anyo 2004, o grupo fació parti d'o grupo activista Punkvoter,[51] y una d'as suyas cancions apareixió en o disco Rock Against Bush, Vol. 1. Mientres as eleccions presidencials estausunidenses de 2008 refirmoron a Barack Obama.[52] En una revista en primiería de l'anyo 2009, o grupo declaró: "Bi ha poquetas cosas mas emocionants que veyer como a la fin Bush libera a os Estaus Unius d'os suyo cautiverio de ueito anyatas."[53]
Bordeguins VansO 23 de mayo de 2007 Rise Against anunció que levarian oficialment bordeguins d'a marca Vans en estar d'alcuerdo con a suya "filosofía d'o veganismo y fer esfuerzos por as esfensa d'os dreitos animals".[54] En respuesta a las creixients criticas a Vans por o emplego de talles de treballo esclau, Rise Against publicó un comunicato ta referir-se a l'afer en o suyo MySpace oficial y a suya pachina web decindo, Nomás queremos fer publica ista chicota nota ta referir-nos a os nuestros bordeguins oficials. Toz os bordeguins VANS, incluyindo a linia RISE AGAINST VEGAN son feitos en fabricas que cumplen regles estrictos ta a protección d'os treballadors en o proceso de producción. O dreito a una compensación chusta, o dreito a asociar.se librement y negociar colectivament, o dreito a o treballo libre de discriminación y acoso, y o dreito a un puesto de treballo limpio y seguro se troban entre as muitas directrices con as que VANS y as fabricas que producen VANS se comprometen. Somos argüellosos de treballar con una companyía progresista y lechendaria.[55]
Estilo musical y influenciasO estilo musical de Rise Against ha estau descrito por muitos criticos como hardcore punk,[56][57][58] melodic hardcore,[59][60][61] u punk rock.[62][63] O grupo cita a sobén a numerosos grupos punk y hardcore como influencias d'a suya musica. En 2004, o batería Brandon Barnes dició: "Estoi que hemos tenito muitas influencias diferents dende o hardcore como Cave In, dica grupos punk como Face to Face, Screeching Weasel, y Down By Law."[64]
En 2006, Tim McIlrath dició sobre o estilo musical d'o grupo: "Nusatros imitamos a Minor Threat y Black Flag. Qui sabe, talment si Ian MacKaye se pintase os uellos yo tamién lo feriá."[65]
Atros grupos que han influyiu en Rise Against incluyen a Descendents,[65] Dead Kennedys,[65] Refused,[64] y Bad Religion.[64] Miembros d'o grupo
Linia temporalDiscografía
Premios y nominacions
Referencias
Vinclos externos
|
Portal di Ensiklopedia Dunia