|
Rechions de Lituania
  Lituania se puet dividir en rechions historicas y culturals (ditas rechions etnograficas). As mugas exactas no son de tot claras, ya que as rechions no son unidaz politicas u administrativas oficials. Son definidas por a cultura, como as tradicions nacionals, a forma de vida tradicional, cancions, contes, etc. Ta bellas rechions a subdivisión corresponde a las zonas d'os dialectos lituanos. Ista correspondencia no ye manimenos guaire estricta. Por eixemplo, encara que o lituano dzūkián se diz sud-aukštaitija, no quiere decir que Dzūkija siga parti d'Aukštaitija. En bellas partis de bellas rechions, os dialecteos d'atras rechions tamién se i parlan, mientres que por eixemplo en Samochitia (a on o samochitiano aconsiguió o estatus oficial de luenga en 2010 [1] bi ha tres dialectos indichenas (sud, norte y ueste d'o samochitiano), beluns d'os cuals se subdividen en subdialectos. Rechions en a politicaDenguna rechión, fueras de Samochitia,[2] nunca no ha estau una entidat politica u administrativa. Manimenos, s'ha treballau recientment ta delimitar as suyas mugas con mas claridat, ya que bi ha un prochecto ta cambear o sistema actual de condaus en Lituania por rechions etnograficas, que serían ditas tierras (singular - zeme, plural - Zemes). Iste prochecto tamién ye refirmau por o feito de que con as funcions amugadas d'os condaus, 10 d'éls no s'amenistan. Un atro argumento en favor ye que en atros países se son tornando a usar as organizacions territorials historicas, mientres que en Lituania os condaus son divisions artificials. O prochecto fue refirmau por o expresident Rolandas Paksas, encara que en l'actualidat no ye claro cuan u si o prochecto se completará. Manimenos, Dzukija fa poco que adoptó o escudo y o emblema que se fería servir en o caso de que a reforma s'implementase. O condau d'Alytus, que se troba cuasi integrament aintro de Dzukija, aprovaba poco dimpués un escudo d'armas que se basa en o escudo d'armas historico de Dzukija. Samochitia tien una bandera y un escudo d'armas que datan d'a epoca d'o ducau de Samochitia. Lituania Menor tien un escudo utilizau dende o sieglo XVII y un himno orichinario d'o sieglo XIX. Manimenos, si a reforma s'implementase, muit probablement nomás bi habría 4 tierras, no 5, porque a mayor parti de Lituania Menor ye ocupada por Rusia y muitos lituanos fuoron forachitaus d'astí. A relativament chicota parti restant tamién ye poblada mayoritariament por foranos, ya que a mayor parti d'a población morió en a Segunda Guerra Mundial u fuó forachitada. Por tanto, Lituania Menor probablement s'achuntaria a Samochitia. Encara que as rechions no son entidaz politico-administrativas, a mayoría d'ellas tienen as suyas "capitals" (ciudaz que son comunament consideradas como capitals). Istas ciudaz no son necesariament as mas grans d'a rechión. Lista de rechions
Referencias
Se veiga tamién
|
||||||||
