|
Punta Maristás
La punta Maristás[1], El Maristás en a Valle de Bielsa, dita pica de l'Orbar en a valle de Chistau, ye una d'as puntas prencipals d'el serrato que separa las valles de Chistau e de la Comuna e la de Bielsa en l'altra man. Con es suyos 2430 m d'altura marca una buega clara d'entre estas valles, encara que actualment se troba dintro d'el municipio de Tella-Sin con tota la redolada d'el Chardal e El Puzo. Per el canto nor-ueste las gleras d'Es Listars baixan enta'l puesto dito La planeta d'el Diaple, de relieu mes suau que no la parte mes alta, que s'alza per alto d'el barranco de Montiello e d'as faixas de Carroneras, como la balconera per alto d'as valles d'a partida belsetana, tenendo-be per l'ueste lo garrot d' As Vacivas que cubil·la lo barranco d'a Foz d'es aires de puerto. Per alto d'el Montiello, en a cabonera d'a on en naixe la suya barranquera -dita Salastro- s'emprencipeya a percebir en cambiar de versant que ésta levará enta la Collata d'a Cruz de Guardia, a 2113 m d'altura, que alavez leva enta lo paso enta la valle de Chistau per man d'es altos de la Comuna. ReferenciasVinclos externos
|
|||||||||||||||||||||||||||||||||||||||
.png)
Portal di Ensiklopedia Dunia
