Populus tremula

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Populus tremula
Una tremoleta (Populus tremula).
Denominacions populars
tremoleta [1], temblero, trembero, tiemble, tiemblo, trembolera, trémol, tremolino, triámbol, triámol, trimolín, tremolín, tremolón, escaleral [2]
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
Orden:	Malpighiales
Familia:	Salicaceae
Chenero:	Populus
Especie:	P. tremula
Descripción
Populus tremula Linnaeus, 1753
Distribución cheografica
Distribución d'a tremoleta.

A tremoleta (Populus tremula (Linnaeus, 1753)[3]) ye una especie de planta d'a orden d'os Malpighiales y familia Salicaceae que ye orichinaria d'as rechions templadas fredas d'Europa y Asia, dende Islandia y as Islas Britanicas a lo este dica Kamchatka, d'o norte a l'interior d'o Cerclo Polar Arctico en Escandinavia y lo norte de Rusia, y d'o sud a lo centro d'Espanya, Turquía, Corea d'o Norte y norte de Chapón. Tamién ocurre en un puesto en o nordueste d'Africa en Alcheria. En o sud d'a suya aria de distribución, se troba a gran altaria en as montanyas.

Ye un arbol de fuella caduca que creix dica 40 metros d'alto per 10 m d'amplo, con un tronco que aconsigue mas de 1 metro de diametro. A suya crosta ye de color grisa verdosenca palida y lisa en arbols chóvens con lenticelas de color grisa fosca en forma de diamant, tornando-se grisa fosca y escrebazada en arbols mas viellos.

As fuellas adultas, producidas en as ramas d'os arbols maduros, son cuasi redondas, liucherament mas amplas que largas, de 2 a 8 cm de diametro, con un marguin dentado gruixudo y un peciolo aplanau lateralment de 4 a 8 cm de luengo. Lo peciolo plano les permite tremolar mesmo con brochinas liucheras.

Referencias

1. (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p.30
2. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
3. (en) Rushforth, K. (1999). Trees of Britain and Europe. Collins ISBN 0-00-220013-9.

Vinclos externos

• Se veigan as imáchens de Commons sobre Populus tremula.

• Datos: Q146110
• Multimedia: Populus tremula / Q146110
• Especies: Populus tremula