|
Pollet
 Un pollet (pronunciau /po'ʎe/~/po'ʎed/; d'o latín <*PULLETTUS, deminutivo de <PULLUS, «pollo») ye a cría de curta edat d'os animals en a clase Aves, de regular referiu a os que se troba d'entre o momento d'a eclosión y a edat en a que, en as especies nidicolas, se revolan difuera d'o niedo. A parola tamién s'aplica a las especies nidifugas ( como as gallinacias u as megapodas) dende que naixen dica que presentan (lo menos, cualques) caracteristicas d'adulto. Atras denominacionsEn aragonés existe parolas especificas ta os pollez de cualques grupos d'aus, de cualsiquier edat, que s'emplega sin menoscavo de que tamién se'n pueda decir pollez. Son eixemplos d'isto as crías d'as rapaces diurnas, que reciben con frecuencia o nombre d'aligons independientment de a especie a la que perteneixcan, u os anadons, os pollez d'os anades. Ademes, en aragonés existe diferents termins ta referir-se a las diferents edaz u estaus de maduración de cualques especies. En ixos casos, puede estar que s'aluda a l'animal como pollet mientres as primeras etapas d'o suyo creiximiento, cuan encara conserva caracteristicas neonatals, y s'emplegue o termin mas especifico ta la suya especie cuan prencipia a tener caracteristicas d'individuo pre-adulto, como en bels casos puede suposar l'aparición d'as plumas. Ye un eixemplo d'isto lo caso d'os «pichons», os chuvenils (con plumas) de as columbidas, que ya han superau a fase (sin plumas) en a que se les denomina «pollet». Tamién se designa a las gallinas chóvens como «polletas», parola que dimana de pollo/pollet, enantes que arriben a la suya maxima productividat en ficando uevos. Se veiga tamién |
Portal di Ensiklopedia Dunia
