Poborina Folk

Poborina Folk
Información cheneral
Localización	Lo Pobo (Comunidat de Teruel, Aragón)
N.º d'edicions	16
Calendata	Cabo de semana mas amanato a o 24 de chunio (Sant Chuan)
Cheneros musicals	Folk
Organizador	Asociación La Albada
Pachina web	www.poborinafolk.es

O Poborina Folk ye un festival internacional de musica folk que se fa en o lugar de Lo Pobo, en a Comunidat de Teruel, o cabo de semana mas amanau a lo 24 de chunio, día de Sant Chuan.

L'anyo 2011 estió la suya XIII^ena edición, dende que en 1999 un grupo d'amants d'a musica popular d'o lugar de Lo Pobo (huei arroclaus en l'asociación La Albada), con Juan Pablo Marco como uno d'os organizadors mas importants y actualment director d'iste festival, encomenzasen o treballo de levar dica lo suyo lugar grupos de musica tradicional de diferents países.

O nombre "Poborina" resulta d'a conchunta de "Pobo" y "borina", pos en ye ixo, una borina folk.

En 2010, a ronda Astí queda ixo! dedicó una canción a iste festival.

Huei, o festival, anyo a l'arreo d'atro, va millorando en cada edición y adhibindo prestichio.

Cuaternar o refirme que Iñaki Peña, d'o programa Trébede, de Radio 3, ha teniu y en tiene con o Poborina Folk, encara que lo suyo programa rematase en 2007.

Vinclos externos

• (es) Pachina web d'o Poborina Folk.
• (es) Primer vidio (de 20) d'o Trébede clandestino feito en 2010 en o Poborina Folk.
• (es) Pachina con os 28 archivos de audio d'o Trébede clandestino de 2004 en o Poborina Folk.
• (es) Primer MP3 d'os 28 d'o Trébede clandestino feito en 2004 en o Poborina Folk.
• (es) MP3 d'a canción dedicata por Astí queda ixo! a o Poborina Folk.
• (es) Entrevista de Joaquín Carbonell a Juan Pablo Marco en El Periódico de Aragón d'o día 16 de chunio de 2011.
• (es) O Poborina Folk en l'Heraldo de Aragón d'o día 23 de chunio de 2011.

• Datos: Q20616852