|
Plaza de toros
 As plazas de toros, tamién conoixidas como cosos taurinos u simplament cosos (d'o latín <CORSU, «cursa») y antismás como circos taurinos, son puestos zarraus, cheneralment cerculars y descubiertos, an se celebran as corridas de toros.  Os suyos estilos arquitectonicos son diversos, seguntes a suya antigüidat. Tienen o suyo orichen en a Europa antiga. Principalment consiste en un anfiteatro zarrau de forma aproiximadament cercular, con gradas a redol d'un espacio central d'arena, clamau ruedo, an se realiza lo espectaclo y, dezaga d'a barrera, un callizo an se refuchian os torers y chusalternos. A barrera ye, por un regular, de fusta y, alto u baixo, de 150 centimetros d'altaria. Disposa de portons d'acceso batients ta la entra y salida d'os participants (puerta de cuadriella) y d'os toros (puerta de Toril y de arrociegue). Historia En l'antigüidat, os circos romanos teneban caracteristicas similars a las d'as plazas de toros. En realidat, as plazas de toros de Nîmes y Arlés, en Francia, son anfiteatros romanos) y l'orichen d'as corridas está muit relacionau con as antigas tradicions romanas.  Cuan as fiestas taurinas yeran principalment feitas a caballo, os espectaclos yeran publicos y se feban en as plazas de las ciudaz. Solament en o sieglo XVIII, en evolucionar o toreyo enta la fayena a piet, se creyan espacios ta acullir a lo publico. En Espanya, o Real Decreto núm. 145/1996 organiza as plazas de toros en tres categorías, seguntes l'antigüidat, tradición, grandaria y numeros de celebracions anyals. As principals plazas de toros se troban en Europa –cuasi exclusivament en Espanya, Portugal y sud de Francia– y America d'o Sud y Mexico. A Plaza de Toros Viella de Tarazona forma parte d'a Unión de Plazas Historicas d'Espanya dende l'anyo 2000 poseye declaración de bien d'interés cultural dende 2001.[1] As plazas de toros de Zaragoza y Teruel son d'estilo neomudéchar. Plazas de toros en AragónBi ha plazas de toros en [1]:
Bibliografía
Vinclos externos
Referencias
|
