Palo del Moro

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Palo del Moro

O Palo del Moro ye un palo de fusta encaixau en una crepaza cuasi inaccesible d'un cinglo chunto a o río Xalón, amán d'a localidat de Ricla. Ista zona yera conoixida d'antis m'as como val d'Almadek u Almadech. No se sabe guaire bien como arribo o tocho a iste punto ni qui lo ficó astí, por o que existe una leyenda pa explicar o feito.

Se diz que un guallardo y valeroso soldau moro que heba feito parti d'a conquiesta d'istas tierras, s'inamoró d'una polida mesacha cristiana a qui l'adedicaba toz os trunfos que conseguiba en as suyas batallas. A mesacha manimenos le refusaba siempre y o caballero ya no sabeba que fer pa contrimostrar-le o suyo amor.

Un día ella le preguntó si sería capable de clavar a suya lanza en o punto mas altero d'o cinglo d'Almadek y él marchó ascape pa prebar de fer-lo. A o día siguient se veyeba brilar a lanza en iste punto y cuan os vecins d'a comarca fuoron a veyer-lo troboron o cuerpo sin vida d'o guerrero a os piez d'as rocas. Dende alavez a val prenió o nombre de Palo del Moro en a suya honor.

Vinclos externos