|
Olla de chigant
   Una olla de chigant u olla de diaple ye una depresión cuasi circular con diametro y fondura de dica bels metros y que se fa por erosión en lo cauz.[1] de lo curso alto d'un río, un torrent u un barranco. La forma cuasi circular se debe a que la corrient d'augua traye ruellos de glera que una vegada adintro no en pueden salir y, cada vegada que la enerchía de la corrient d'augua ye prou gran pa tornar a mover-los, chiran adintro de la olla rozando con las parez, provocando una abrasión[1] que ixampla la depresión de lo cauz en totas direccions. En la Peninsula Iberica se troba muitos toponimos con la parola olla referius a "ollas de chigant", correspondients a diferents dominios lingüisticos. En l'Alto Aragón bi ha eixemplos espectaculars d'ollas de chigant en lo Barranco d'o Fornocal (Colungo), en lo Barranco d'as Gloces (Fanlo) y en lo Río Caldarés (Panticosa).[2] En lo Congustro de Croqueta bi ha ollas de chigant pocos metros por d'encima de l'actual livel de lo cauz y que pueden estar activas en las creixidas. Referencias
Bibliografía
|
Portal di Ensiklopedia Dunia
