Mortalera d'a escuela de Santa María d'Iquique

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os miners en desfilando por as carreras d'Iquique en aviento de 1907.

Con o nombre de Mortalera d'a escuela de Santa María d'Iquique u Mortalera de Santa María d'Iquique se fa referencia a unos feitos d'a Historia de Chile escaicitos o 21 d'aviento de 1907 en a Escuela Domingo Santa María d'a ciudat d'Iquique, en o norte de Chile, consistents en una mortalera de treballadors d'a industria d'o salitre que heban declarato una vada cheneral ta esfender os suyos intreses laborals, en estar en condicions de cuasi esclavitud, plegando a cobrar os suyos salarios no en diners sino en vales ta tiendas d'os suyos patrons.

A mortalera la facioron tropas regulars de l'Exercito chileno mandatas por o cheneral Roberto Silva Renard, que teneba instruccions de Rafael Sotomayor Gaete, ministro de l'Interior, ordenatas por Pedro Montt, President de Chile, que miraba de destruyir o movimiento obrero que encomenzaba en ixe momento a suya organización en o país. As victimas estioron un numero indeterminato de miners (entre 2.200 y 3.600, seguntes as fuents), incluyindo-ie as suyas familias, con mullers y ninos, con una fuerte represión amás d'os supervivients. Os miners yeran chilenos, peruanos y bolivianos.

En 1970, Luid Advis componió a Cantata de Santa María de Iquique, que o grupo musical Quilapayún fació popular en Chile y tamién internacionalment.

• Datos: Q583937
• Multimedia: Santa María School massacre / Q583937