|
Michel Théato
Michel Johann Théato conoixiu como Michel Theato, naixiu de Luxemburgo o 22 de marzo de 1878 y muerto en París en l'anyo 1919, estió un atleta luxemburgués que compitió por Francia en os Chuegos Olimpicos de 1900 consiguindo a medalla d'oro en a preba de maratón. D'a vida de Théato se sape poco pero ye de seguro que no yera recadero d'un forno de pan como a ormino se deciba, si no que yera ebanista. O suyo club esportivo fue o St. Mandé Atletic Club y suyo mayor exito estió a victoria en a maratón d'os Chuegos Olimpicos de 1900 celebraus en París, a suya ciudat, con una marca de poco menos de tres horas. Ista victoria fue discutida por cuantos atletas, Arthur Newton dició que Michel Théato y Émile Champion aduyaus por a suya conoixencia d'as carreras de París aproveitoron ta fer trampa prenendo alcorces y ganar, por que ell no los vió garra vegada y tampoco no li abanzoron. Istas declaracions no coinciden con as referencias que i hai d'o desembolique d'a cursa y no explanica o tercer puesto d'Ernst Fast. Mientres muito tiempo se creyó que yera naixiu de Francia, pero estudios d'Alain Bouillé en a decada de 1990 descubrioron que yera naixiu de Luxemburgo. Isto lo feba o primer medallista olimpico d'o suyo país, pero o COI dició que ell compitió por Francia y a medalla ye d'iste país. Vinclos externos
|
|||||||||||||||||||||||||||||||||||
Portal di Ensiklopedia Dunia
