Meles meles

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Meles meles
Un taixudo común (Meles meles).
Denominacions populars
taixudo común, taixudo europeu, taxugo, melón, taxón
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Familia:	Mustelidae
Chenero:	Meles
Especie:	M. meles
Descripción
Meles meles Linné, 1758
Distribución cheografica
Distribución d'o taixudo común u europeu.

O taixudo común u taixudo europeu u simplament taxugo u melón u taxón[1] (Meles meles (Linné, 1758)[2]) ye un mamifero d'a orden d'os Carnivora y familia Mustelidae que ye un animal de constitución poderosa, de color negra, blanca, parda y grisa, con un tozuelo chicot, un cuerpo regordenco, uellos negros chicoz y coda curta. O suyo peso vareya, de 7 a 13 kg de primavera, manimenos puya a 15–17 kg d'agüerro antis d'o periodo de suenio hibernal.

Ye nocturno y ye un animal social que aduerme mientres o día en un d'os cuantos cados d'a suya aria de distribución territorial.[3] Istos cados tienen multiples cameras y dentradas, y son sistemas extensos de pasaches subterranios de 35 a 81 m de longaria. Acubilan cuantas familias de taxugos que fan servir istos cados mientres decenios.[4] Os taxugos son niquitosos con l'escoscamiento d'o suyo cado, fan leito fresco y retiran o material puerco a ormino, y defecan en cagaderos que se troban estratechicament difuera d'os cubiculos u de camín a atros asentamientos.[5]

Encara que ye clasificau como carnivoro, o taixudo europeu s'alimenta d'una ampla variedat de virollas vechetals y animals, alimentando-se de leremicos de tierra, insectos grans, chicoz mamifers, carnuz, cerials y tuberclos. De primavera se producen cadilladas de dica cinco crietas. As crietas s'esbezan uns meses dimpués, manimenos per un regular remaneixen adintro d'o grupo familiar. Se sabe que o taixudo europeu comparte lo suyo cado con atras especies como coniellos, rabosas royas u tanukis, pero puede estar pro furo cuan se le provoca, una traza que s'ha explotau en Anglaterra en l'agora ilegal esporte sangriento de Badger-baiting.[6] Os taxugos pueden estar portadors de tuberculosis bovina, que tamién afecta a lo bestiar.[7]

Subespecies

• Meles meles arcalus (Miller, 1907).[8][9][10]
• Meles meles canescens (Blanford, 1875).[9][10][11]
• Meles meles heptneri (Ogniov, 1931).[10][12]
• Meles meles marianensis (Graells, 1897).[9][10][13]
• Meles meles meles (Linnaeus, 1758).[10][14]
• Meles meles milleri (Baríxnikov, Puzatxenko]], 2003).[15][16][17]
• Meles meles rhodius (Festa, 1914).[9][10][18]
• Meles meles severzovi (Heptner, 1940).[19][20][21][22]

Referencias

1. (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.
2. (la) Linnaeus, C. (1758). "Ursus meles". Caroli Linnæi Systema naturæ per regna tria naturæ, secundum classes, ordines, genera, species, cum characteribus, differentiis, synonymis, locis. Tomus I (decima, reformata ed.). Holmiae: Laurentius Salvius. p. 48.
3. (en) Harris, S.; Yalden, D. (2008). Mammals of the British Isles (Fourth Revised ed.). Mammal Society. ISBN 978-0-906282-65-6. p.432
4. (en) Macdonald, D. (2001). The New Encyclopedia of Mammals. ISBN 0-19-850823-9. p.117
5. (en) Kilshaw K, Newman C, Buesching CD, Bunyan J, Macdonald DW (2009). "Coordinated latrine use by European badgers, Meles meles: Potential consequences for territory defense". Journal of Mammalogy. 90 (5): 1188–1198.
6. (en) Badger baiting has been outlawed since 1835 – so why is it making a comeback? en theguardian.com
7. (fr) Bouvier, G.; Burgisser, H; Sweitzer, R. (1951). "Tuberculose chez un chamois". Schweizer Arch Tierheil. 93: 689–695.
8. Mammal Species of the World (en)
9. www.nic.funet.fi (en)
10. Badger Pages (en)
11. Mammal Species of the World (en)
12. Mammal Species of the World (en)
13. Mammal Species of the World (en)
14. Mammal Species of the World (en)
15. Mammal Species of the World (en)
16. Abràmov, A. V. i Puzatxenko, A. I., 2006: Geographical variability of skull and taxonomy of Eurasian badgers (Mustelidae, Meles). Zoologičeskij žurnal, vol. 85, núm. 5, pàg. 641-655. ISSN 0044-5134. .
17. WildLife Online (en)
18. Mammal Species of the World (en)
19. Mammal Species of the World (en)
20. BioLib (en)
21. Mammal Species of the World (en)
22. uBio (en)

Vinclos externos

• Se veigan as imáchens de Commons sobre Meles meles.

• Datos: Q27066
• Multimedia: Meles meles / Q27066
• Especies: Meles meles