|
Marina Baixa
A Marina Baixa (en valenciano Marina Baixa) ye una comarca valencianoparlant d'o sud d'o País Valenciano, situata en a provincia d'Alicant. A suya capital tradicional ye La Vila Joiosa pero lo mayor nuclio urbán y la suya capital economica ye Benidorm. GeografiaA Marina Baixa ye una comarca de costa, pero a la vez a-saber-lo montanyosa. Se puet dividir en dos partes, a linia de costa y as vals interiors. Tien grans sierras y montanyas como lo Puig Campana, a Sierra d'Aitana, a Sierra Bèrnia u a Sierra de la Xortà y ríos propios como l'Amadòrio, l'Algar u o Guadalest. MugasMuga a lo norte con o Condau y la Marina Alta, a l'este y a lo sud con a Mar Mediterrania, a lo sud-este con l'Alicantín y a l'ueste con l'Alcoyán. EconomiaEncara que se pueden destacar bellas industrias tradicionals d'a comarca, como son a industria d'o chicolate en la Vila Joiosa u o cultivo d'a niéspola en Callosa d'en Sarrià, l'actividat mas propia d'ista comarca ye o turismo. Toz os municipios costers han tenito una gran creixita de población debita a lo gran fluxo de turistas, y tamién os municipios d'interior han frenato la perda de población debito a la plegata de nuevos habitants procedents d'o norte d'Europa. Aintro d'ista comarca se situga o enclau turistico mas important de tota Espanya, la villa de Benidorm. También se i pueden trobar numerosos parques tematicos y d'ocio, como Terra Mítica, Terra Natura u Aqualandia.
|
||||||||||||||||||||||
.svg){kind=small}
Portal di Ensiklopedia Dunia
