Lusons

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Lusons  (†)
Lusones
Periodo
Edat Antiga
Rechions actuals
Provincia de Zaragoza (Aragón)
Provincia de Guadalachara (Castiella-La Mancha)
Idiomas
Celtibero
Pueblos relacionaus
Atros pueblos celtibers como belos u titos
Mapa

   Lusons en Celtiberia

Os lusons (en latín lusones, en griego Λούσωνες) estioron un antigo pueblo celtibero, localizau en l'alto Tajuña, a o nord-este de Guadalachara, y seguntes Estrabón en as fuents de l'Ebro y o Tacho.

Se creye que a ciudat de Lutia yera a suya capital, estando as suyas ciudaz mas importants:

  • Bursau: Citada por Claudio Ptolomeu. Cude en bronce entre o II-I a. C.
  • Turiasu: ye a ciudat mas important obtenindo estatuto municipal con Augusto. Tien una ceca important, cude primero en bronce con leyenda celtiberica dende II-I a. C., dimpué en latín y a o final a moneda imperial.
  • Caravis: a l'ueste de Caesaraugusta. Emite en bronce d'o II-I a. C. Tien una cantidat important de ceramica celtiberica. Presenta restas d'incendios, desapareixe en as guerras celtibericas.

Economía

Por estar asentaus en a mesma zona que os titos y belos, a suya economía poseye as mesmas caracteristicas. Se basaba en l'agricultura, encara que tamién s'adedicaban a la ganadería y desembolicoron una industria metalurchica con o mineral de fierro d'as menas de Moncayo, amás de disponer de chicotas cantidaz d'oro en o río Xalón. Plinio o Viello apondera as armas fabricadas aquí. De producción d'archent cuasi no bi ha noticias.

Cautivaban hordio, cerials y oliveras. En a ganadería se da a cría de tocins, crabas y uellas. Como ye rica a ganadería, se da una industria textil prospera, fabrican o sagum, emplegau como vestiu y tamién como tributo.

A suya ceramica ye caracterizada por temas decorativos a bandas con cerclos y semicerclos.

Relichión

Cuasi no bi ha información, por lo que tenemos que fer una gollada a la epigrafía. No ye fácil conoixer a función de cada divinidat, ya que puet haber distintos nombres pa una mesma. Mos trobaremos belunas que son pancelticas.

Divinidaz:

  • Mercurio: relacionada con una divinidat gala, será o conductor d'as almas.
  • Matres: divinidaz femeninas relacionadas con a maternidat, a fecundidat y o luto d'a guerra. O suyos epitetos son puestos de ríos, nombres de tribus u localidaz.
  • Epona: divinidat panceltica relacionada con a fertilidat, as auguas y os funerals.
  • Sucello: divinidat infernal gala, s'ha visto por a ceramica indichena. Cuerpo antropomorfo a vegadas acompanyau d'animals.

Bibliografía

  • (es) Historia de España, dirigida por M. Pidal, Ed. Espasa Calpe, Madrid, 1960-1982, Tomo I, vol. II y III. Tomo II, vol. I y II
  • (es) Protohistoria de la Península Ibérica, Barcelona, 2001.