|
León VI o Sabio
León VI o Sabio ye naixito o 19 de setiembre de 866 y morió l' 11 de mayo de 912. Estió emperador de l'Imperio Bizantín dende 866 dica 912. Politica externaLeón VI provocó una guerra cuentra Simeón I de Bulgaria en l'anyo 894, pero fue redotato. En l'anyo 895 fació liga con os hongaros, (alavez un pueblo nomada habitaba as actuals Ucraína Occidental y Moldavia), pa fer pinza a los bulgaros. En o "libro de los emperadors" lo contan asinas: De la cual cosa l'emperador ha havido grant desplazer e ha enviado tantost embaxadores con grandes donos e presentes a los de Hongría que estavan cerca del río de Istro pregandolos que.l fuesen contra los búrgaros por dapnificar su tierra
A guerra entre os bulgaros y os hongaros representó un exito relativo pa León VI en l'anyo 895, pero Simeón clamó a los pacinacos pa que atacasen a los hongaros por a retraguarda, provocando a suya derrota y posterior emigración ta Panonia. Sin os nuevos aliaus hongaros León VI perdió a batalla de Bulgarophygon en l'anyo 896 y habió de fer concesions comercials y pagar un tributo anyal a los bulgaros. O Emirato de Sicilia prenió Taormina en l'anyo 902, zaguer puesto ocupato por os bizantins en Sicilia. En l'anyo 904 o renegato León de Tripolis saqueyó Tesalonica con piratas musulmans (feito descrito por Chuan Kaminiates como "a captura de Tesalonica"). En l'anyo 907 Costantinoble fue atacata por eslaus orientals adrezatos por Oleg de Novgorod, que miraba dreitos comercials con l'imperio. Encara que lis pagó, tornoron a atacar atra vegata en l'anyo 911 y remató firmando-se un tractau comercial.
|
|||||||||||||||||||||||||||||||
Portal di Ensiklopedia Dunia
