|
Laacher See
O Laacher See u Laco Laacher ye un laco que se troba en a cordelera d'Eifel, amán d'a badía de Santa Maria Laach, en o municipio de Glees y ye lo laco u estanyo mas gran de l'estau de Renania-Palatinato (Alemanya). O laco estió creau en a caldera d'o volcán Laacher dimpués d'a suya zaguera erupción que ocurrió alto u baixo fa 13.000 anyadas.[1]   Actualment la zona encara amuestra l'actividat volcanica en forma d'emisions de gases y chicoz tierratremos. Os vulcanologos y cheologos asumen que hue lo día no existe periglo evident per parte d'o Laacher See. Manimenos, a posibilidat d'una erupción volcanica no puede descartar-se de raso. Asinas, s'estima que en tot l'este d'Eifel, i hai habiu una erupción volcanica cada cinco a diez mil anyos de meya entre los zaguers 450.000 anyos. ToponimiaA parola Laach proviene de l'antigo alto alemán lacha, ye relacionada con a parola actual alemana Lache, o latín lacus y l'anglés lake y simplament significa laco. O nombre Laacher See ye, per tanto, una tautolochía. LechendaAs viellas lechendas charran d'un castiello que se diz que yera en una isla en o Laacher See. Astí viviba un conte que trataba con tiranía a lo suyo vasallamen. Un día, dimpués d'una tronada apocaliptica, la isla, de conchunta con o castiello y lo suyo malvau conte, se fundioron en o laco.[2] A lechenda inspiró a Friedrich Schlegel pa escribir lo suyo poema Das versunkne Schloß ("O castiello enfongau").  Referencias
Vinclos externos
|
||||||||||||||||||||||||||||||||||||||||||||||||
Portal di Ensiklopedia Dunia
