|
La decente (cinta)
La decente (títol orichinal en castellano, en aragonés A decent, enguerada en Aragón con o suyo títol orichinal) ye una cinta de cine de comedia policiaca de 1971 de cine espanyol dirichida por José Luis Sáenz de Heredia seguntes un guión adaptau por él mesmo (basau en La decente, una obra teatral de Miguel Mihura de l'anyo 1967), con una banda sonora orichinal d'Antón García Abril, una dirección de fotografía de Federico G. Larraya y una producción cinematografica d'Andrés Velasco ta las productoras Hidalgo Producciones Cinematográficas y Filmayer. Fan parte de l'elenco d'actors d'a cinta, entre d'atros, Concha Velasco, Alfredo Landa, José Luis López Vázquez, Fernando Guillén, Josele Román, Julia Caba Alba, Blanca Sendino y Sergio Mendizábal. Roberto Clavijo ye un ornitologo que mientres un viache en avión conoix a Nuria, con qui sobreviven dimpués d'un accident. Ista marchaba ta casar-se con un rumano y Roberto s'enamora d'ella y li proposa casar-se, pero ella o accepta y fa la suya voda con o rumano. Tanimientres, anyos dimpués aparixe en a casa de Roberto y li diz que la suya vida con o rumano no marcha bien y li proposa que mate a su mariu, ixa mesma nueit. Roberto li diz que sí, pero bien luego busca una coartada ta si nunca. A lo día siguient, o rumano amanixe muerto, con un golpe en a cabeza que li han dau con un candelón, exactament igual que l'heba proposau a vídua. Un comisario d'a Policía prencipia las investigacions, sin descartar a garra sospeitoso. Poquet a poquet descarta un por un dica plegar en o culpable. A cinta s'ambienta en a suya epoca actual (1971) en bel lugar indeterminau d'Espanya, y las suyas escenas se filmoron en as ciudaz d'Alicant, Madrit y Toledo, situadas respectivament en o País Valenciano, la Comunidat de Madrit y Castiella-La Mancha, en Espanya.[2] Elenco[3]
Se veiga tamiénReferencias
|
||||||||||||||||||||||||||||||||||||||||||||||||||||||||||
Portal di Ensiklopedia Dunia
