Inflación cosmica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

D'alcuerdo con a teoría d'o Big Bang, l'universo fue orichinato por una singularidat d'infinita densidat. O espacio s'ha ito enamplando mientres d'os anyos y os obchectos s'han ito situando cada vegata mas luent os uns d'os atros.

O Radio Telescopio de BICEP 2 ha identificau as ondas gravitacionals que se mueven a traviés de l’universo d'aquella leixana fase inflacionista.

A inflación cosmica ye un conchunto de teorías que explican a expansión de l'universo primitivo.[1]

Introducción

A teoría d’a inflación cosmica se proposó por primer vegada en o decenio de 1980, por o físico y cosmologo estausunidense Alan Guth, ta explicar cualques aspectos d’a teoría d’o Big Bang que pareixeba que no l’explicaban tot, como por eixemplo por qué o espacio profundo se veye en cheneral d’a mesma traza por tot arreu. Ista teoría sostiene que isto, iste fenomeno, fació que l’universo primitivo pasase d’estar una cosa inimachinablement chicota a unatra d’a mida aproximada d’una bala, y que o espacio ha continau creixendo mientres cuasi 14.000 millons d’anyos mas, dica agora mesmo.

Fondo Cosmico de microondas

Se considera que l’universo surtió dimpués d’o Big Bang, que se produció fa uns 13.800 millons d’anyos. Muit poco dimpués, o espacio s’empecipió a ixamplar exponencialment, en un periodo conoixiu por inflación. En o cosmos i hai signos reveladors d’iste periodo, en un resplandor que se denomina ‘fondo cosmico de microondas‘. Ye a evidencia mas directa d’aquella inflación, en forma d’ondas gravitacionals, que estreitan y estiran o espacio, y que os científicos s'han puesto detectar.

Os cientificos d’o Centro d’Astrofisica de Harvard, detectau por primer vegada as ondas gravitacionals que recorrioron l’universo primitivo, dimpués d’a gran esclatada que orichinó o Big Bang. O equipo BICEP 2, que ha identificau iste sinyal, ye una marca caracteristica d’as propiedaz direccionals d’o fondo cosmico de microondas. Solament as ondas gravitacionals que se mueven a traviés de l’universo en aquella leixana fase inflacionista podría haber produciu una marca como ista. Ye a confirmación mas important d’a historia sobre as teorías d’a inflación cosmica. O prochecto fa servir un radio telescopio situau aman d’o polo sud ta fer observacions detalladas d’una parte muit concreta d’o cielo y que replega ‘enerchía fosil’ d’o Big Bang.

Articlos relacionatos

• Cosmolochía.
• Universo.
• Universo Primitivo.
• Big Crunch.
• Efecto Doppler.
• Big Bang.

Vinclos Externos

• (an) Espectacular descubrimiento d’as ondas d’o primer inte de l’universo’, en Arredol.

Referencias

1. (en) Guth, Alan (1997). The Inflationary Universe: The Quest for a New Theory of Cosmic Origins. Perseus. ISBN 978-0-201-32840-0.

• Datos: Q273508
• Multimedia: Cosmic inflation / Q273508