Imán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Iste articlo ye sobre un cuerpo que chenera un campo magnetico; ta la persona que diriche a oración en a relichión islamica, se veiga imam.
Un imán.

Un imán ye un cuerpo u dispositivo que chenera un campo magnetico, u dito d'una atra manera, con un momento magnetico significativo, y por ixo tiende a aliniar-se con atros imans (por eixemplo con o campo magnetico terrestre).

A palabra imán deriva d'o francés aimant, evolución d'o latín ADAMAS, ADAMANTIS ("fierro muit duro"), adaptación d'o griego ἀδάμας ("invenvible"), sin relación con a palabra magnetico. Esta zaguera palabra deriva d'o griego μαγνήτης λίθος (magnítis líthos) u piedra de Magnesia, una localidat conoixida dende l'antigüidat por as suyas menas de magnetita. En a traducción herediana de "Vidas Semblants" de Plutarco mencionan a la magnetita como piedra calamita:

qua(n)do era moça / & aq(ue)lla jnfanta ultra su beldat hauja muchas cosas en si porq(ue) era digna de sey(er) amada / las qual(e)s cosas tyraua(n) assi todo hombre asu amor como la piedra calamjta tira assi el fierro

Os imans pueden estar permanents u temporals, un iman permanent no necesita de denguna influencia externa ta chenerar o suyo campo magnetico mientres que os imans temporals, como los electroimans nomás cheneran o suyo campo magnetico gracias a la corrient electrica. Os imans permanents se pueden formar de traza natural, como ye o caso d'a magnetita, pero tamién pueden estar fabricatos de manera artificial.

Os imans atrayen u repelen diversos materials, aquellos que son fuertement atrayitos por un iman tienen una gran permeabilidat magnetica, como en o caso d'o fierro y bel tipo d'acero, y reciben a denominación de materials ferromagneticos. Os materials con una baixa permeabilidat magnetica nomás són atrayitos debilment por os imans y se dicen paramagneticos, un eixemplo sería l'oxicheno liquido. A la fin bi ha bel material, como l'augua, que tienen una permeabilidat magnetica tan baixa que o magnetismo nomás se manifiesta en presencia d'un campo magnetico externo (diamagnetismo). Tot tien una permeabilidat magnetica mesurable.

A unidat de mesura d'o SI ta o campo magnetico ye o tesla, mientres que a unidat ta o fluxo magnetico ye o weber; 1 tesla ye 1 weber por metro cuadrato.

Se veiga tamién

Vinclos externos