|
Ilesia de Sant Simón y Sant Chudas d'Alcalá de la Selva
A ilesia de Sant Simón y Sant Chudas d'Alcalá de la Selva ye una ilesia d'estilo gotico-renaixentista construyida entre os sieglos XVI y XVII que se troba en Alcalá de la Selva (Gúdar-Chabalambre, Aragón).[1]. Ye protechida legalment con a suya declaración como Bien d'Intrés Cultural. Descripción.jpg) Ye construyida en mampostería con sillar bien escuadrau en o basamento, as esquinas y os elementos prencipals, fue devantada en o sieglo XVI seguntes o modelo d'ilesia gotico-renaixentista, a on predomina a concepción espacial ampla y unitaria. A planta consta d'un abside poligonal parcialment amagau a l'exterior por a sacristía y a capilla d'o sagrario, y una nau central devantada de cinco trampos con estreitas naus laterals ubiertas entre os contrafuertes. O cubrimiento se reyaliza por meyo de vueltas de crucería estrelada deseparadas por arcos faixons de meyo punto que rematan en pilastras estriadas coronadas por sencillos capitels. O zaguer trampo, que orichinalment albergaba un coro alto, en l'actualidat s'ha zarrau y adedicau a salón parroquial. A dentrada se feba a traviés d'un molimental portegau ubierto en triple arco, encara en l'actualidat s'ha perdiu l'arco lateral ezquierdo; o gran arco central, ubierto en arco de meyo punto, cobeixa a sobrebuena portalada, de dos cuerpos y decorada con motivos clasicos. En un anglo d'o nuevo salón parroquial se devanta a torre, tamién construyida en piedra sillar, con tres pisos diferenciaus en altaria; ye de planta cuadrada o primero y octogonals os dos zaguers. Conta amás con un chapistel de remate. En cheneral os volumens compactos d'a ilesia se veyen mascaraus por a construcción de cuantos edificios annexos, entre éls a Casa d'a Villa. Referencias
Bibliografía
Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
