|
Ilesia de Sant Miguel Arcánchel d'Alastuei
A ilesia de Sant Miguel Arcánchel d'Alastuei ye una ilesia aragonesa que se troba situata en o lugar d'Alastuei, que fa parte d'o termin municipal de Bailo, en a comarca d'a Chacetania y provincia de Uesca. HistoriaA ilesia, adedicada a l'arcanchel Miguel, ye un edificio de piedra picada d'estilo románico tardano (zaguerías d'o sieglo XI u primerías d'o sieglo XII). A ilesia chunto a la resta d'o lugar perteneixió a o monesterio de Sant Chuan d'a Penya dende meyaus d'o sieglo XII por orden d'una bula papal. En epoca moderna, entre a segunda metat d'o sieglo XVII y a primera d'o siguient, se fació una important reforma a on s'adhibió una nau lateral por o costau norte d'a ilesia, se recreixió a torre y se construyió un portegau por o costau sud, ubrindo-se un nuevo acceso y zarrando l'orichinal. As vueltas orichinal d'a nau romanica fuoron substituyidas tamién por ixas envueltas. DescripciónConsta de dos naus y un coro semicircular, os dos recubiertos con losas de piedra. L'abside se troba en l'exterior y conta con frisos decorativos con un patrón de escaquiau chaqués. A torre rectangular probablement estase devantada en tiempos posteriors a la resta de l'edificio. Tien un tornavoz en os dos costaus d'o suyo piso superior. Debant d'a portalada con arco de meyo punto en o costau sud s'ubre un portegau adosau. D'a decoración orichinal se conserva una fuent baptismal romanica. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
