|
Gran Teatro d'o Liceu
O Gran Teatro d'o Liceu (Gran Teatre del Liceu en catalán, a sobén conoixito localment como Liceu), ye un teatro adedicato a la Opera que se troba situato en bel centro d'a ciudat de Barcelona, a capital de Catalunya. L'edificio se troba concretament en os numeros 61-65 d'a carrera de La Rambla, una d'as mas populars y conoixitas d'a ciudat, que comunica a Plaça de Catalunya con a mar Mediterrania dencima d'o cauz d'una antiga rambla que li da o suyo nombre.  Encara que a suya historia escomencipió ya en os anyos 1830, o Gran Teatro d'o Liceu, un prochecto de l'arquitecto Miquel Garriga i Roca, ubrió as suyas puertas a o publico barcelonés o 4 d'abril de 1847, con una obra d'o dramaturgo espanyol Ventura de la Vega, y se convertió en un centro de trobada d'a burguesía barcelonesa y un simbolo d'a ciudat. Cal parar cuenta que os diners ta la suya construcción no fuoron aportatos (como a ormino pasaba arredol d'o mundo) por a monarquía u por o poder politico, sino por a propia sociedat civil catalana. Destruyito de raso en un gran incendio en 1994 (ya d'antis mas l'edificio heba tenido atros incendios), fue reconstruyito interiorment seguntes un nuevo disenyo, obra d'os arquitectos Ignasi de Solà-Morales, Xavier Fabré y Lluís Dilmé. Actualment, ye considerato uno d'os prencipals teatros d'Opera d'o mundo, y l'organismo que para cuenta d'a suya chestión ye una fundación, a Fundació del Gran Teatre del Liceu. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
