Escachamatas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo ferrocarril de Corz enta Borcha (conoixiu popularment como l'escachamatas[1]) estió una linea de ferrocarril espleitada por "La Companyía del Ferrocarril Economico de Cortes a Borja" que funcionó dende lo 27 de mayo de 1889 dica lo 30 d'abril de 1955.

A linia se sustentaba prencipalment d'o trafico de mercaderías, que estió centrau en o vin entre zaguers d'o sieglo XIX, y en a remolacha y la industria zucrera a primers d'o sieglo XX. Tamién transportaba pasachers.

Teneba aturadas en Mallén, Frescano, Agón, Magallón, Bureta, Albeta y Ainzón amás de Corz y Borcha.

Tres locomotoras de vapor (clamadas La Aragón, La Vizcaya y La Borja) tiraban d'os convoys composaus por cuantos vagons que amenesteban una hora pa recorrer o trachecto.

En l'actualidat o trazau s'aproveita como vía verda.[2]

Referencias

1. (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.204
2. (es) Campo de Borja, Red Natural de Aragón n°26, Prames, 2009, ISBN 978-84-8321-826-6, p.25

Vinclos externos

• (es) Corz-Borcha n'a Ferropedia.

• Datos: Q28056040