Dos chicas de revista (títol orichinal en castellano, en aragonés Dos mesachas de revista, enguerada en Aragón con o suyo títol orichinal) ye una cinta de cine espanyol de l'anyo 1972 de comedia musical dirichida por Mariano Ozores seguntes un guión orichinal d'él mesmo, con una Banda Sonora Orichinal de Gregorio García Segura, una dirección de fotografía de Vicente Minaya y una producción cinematografica d'os productors José Antonio Cascales y Óscar Guarido ta la productora cinematografica Producciones Internacionales Cinematográficas Asociadas, tenendo en o suyo elenco d'actors en os papels principals a Lina Morgan, Dyanik Zurakowska, Manolo Gómez Bur, Antonio Ozores, Ingrid Garbo, Paco Valladares, Florinda Chico, Rafaela Aparicio, José Sacristán y José Luis López Vázquez.
La cinta s'embienta en a ciudat de Madrit en 1972, se rodó en ixa mesma ciudat, y conta la historia de dos mesachas que, encara que con oríchens familiars bien diferents, son decididas a triunfar en o mundo d'a revista y bien luego se fan amigas y confidents.
Se veiga tamién
Referencias
Vinclos externos
