Don Erre que erre
Don Erre que erre (títol orichinal en castellano, enguerada con iste zaguer títol en Aragón, en aragonés Don Terne que terne) ye una cinta espanyola de l'anyo 1970 de cine de comedia dirichida por José Luis Sáenz de Heredia seguntes un guión d'o mesmo José Luis Sáenz de Heredia y de Rafael J. Salvia, con una banda sonora orichinal d'Ángel Arteaga y una dirección de fotografía de Federico G. Larraya, estando-ne lo suyo productor Andrés Velasco. En o suyo erlenco incluye a destacaus actors como Paco Martínez Soria, Mari Carmen Prendes, José Sacristán, Josele Román, Tomás Blanco, Guillermo Marín, Valeriano Andrés, Alfonso del Real, Manuel Alexandre, Jesús Guzmán, José María Escuer, Patricia Nigel, José Rubio, Félix Dafauce, José María Tasso u Xan das Bolas. ArgumentoDon Rodrigo Quesada ye una persona muit cabezuda y cerruda siempre que tien la razón. Bel día recibe un cheque d'una empresa danesa que li da la razón en una descusión que teneban de tiempos, por importe de 257 pesetas, y luego marcha enta las oficinas d'o Banco Universal ta cobrar-lo. Cuan lo emplegau d'o banco pone las 257 pesetas debant de don Rodrigo, dentran en la oficina uns atracadors que, amás de emportar-se los diners d'a oficina, tamién s'emportan las 257 pesetas que yeran en o mostrador. Cuan marchan os atracadors, don Rodrigo pide que li paguen las suyas 257 pesetas, pero lo caixero d'o banco diz que ya li en han pagau. Prencipia asinas un pleito de don Rodrigo contra lo totpoderoso Banco Universal, un banco forano a on lo suyo dirichent en Espanya, don Tomás Briceño, no ye menos cabezudo y cerrudo que don Rodrigo. Elenco[2]
Se veiga tamiénReferenciasVinclos externos
|
Portal di Ensiklopedia Dunia