|
Digan lo que digan (cinta)
Digan lo que digan (títol orichinal en castellano, en aragonés Digan o que digan, enguerada en Aragón con o suyo títol orichinal) ye una cinta de l'anyo 1968 de cine de drama romantico musical coproducida por o cine espanyol y lo cine erchentino, dirichida por Mario Camus seguntes un guión adaptau por Antonio Gala, Miguel Rubio y Horacio Gisado (basau en una historia d'Horacio Guisado), con una banda sonora orichinal d'Antón García Abril (con cancions de Manuel Alejandro), una dirección de fotografía de Juan Julio Baena y una producción cinematografica ta las productoras Argentina Sono Film y Producciones Día. Fan parte de l'elenco d'a cinta, entre d'atros, os actors Raphael, Serena Vergano, Ignacio Quirós, Susana Campos, Darío Vittori, Hernán Guido, Aldo Bigatti, Alicia Duncan, Héctor Biuchet, Ricardo Cánepa, Abel Ferrer, Emilio Losada y Enrique San Miguel. O chirmano de Rafael Gandía marchó dende Espanya enta Archentina ta trobar a fama como compositor. Pero cuan dixan de plegar noticias suyas en a suya casa, Rafael marcha como marinero enta Mexico ta trobar-lo y saber qué li ha escaiciu. Cuan plega en a ciudat a on se troba lo suyo chirmano, en a suya busca troba una misteriosa mesacha que li dizz que ye la suya secretaria y que lo suyo chirmano, un eitoso compositor, ye en ixe momento de viache. Pero Rafael no sabe que en realidat o suyo chirmano ha fracasau como compositor y malvive treballando en locals de mala escata y que en realidat ixa mesacha ye la suya novia; amás, poquet a poquet Rafael s'enamora d'a mesacha, atracción que ye correspondida. A cinta s'ambienta en a ciudat de Buenos Aires en Archentina en a suya epoca actual (1968) y las suyas escenas se filmoron en ixa mesma ciudat, en as cataractas de l'Iguazú en a provincia de Misiones y en San Carlos de Bariloche en a provincia de Río Negro, todas istas localizacions situadas en Archentina.[2] Elenco[3]
Se veiga tamiénReferencias
|
||||||||||||||||||||||||||||||||||||||||||||||||||||||||||||
Portal di Ensiklopedia Dunia
