|
Constantine John Phipps
Constantine John Phipps, segundo barón de Mulgrave, naixito o 19 de mayo de 1744 y muerto o 10 d'octubre de 1792, estió un marino militar, esplorador, naturalista, politico y noble britanico. Primeras anyadasPhipps estudeó en l'Eton College, chunto a lo futuro naturalista Joseph Banks, encara que albandonó os suyos estudios a escape ta embarcar-se con su tío A. J. Hervey en o suyo barco. Asinas, en 1766 partió de Terranova (Canadá) en o HMS Niger, y Banks l'acompanyaba como naturalista. Actividaz como explorador y naturalistaO 4 de chunio de 1773 partió de Deptford ta o Polo Norte, al mando d'una expedición de dos barcos, Racehorse y Carcass. O naturalista y medico d'a bordo yera o Dr. Irving, y l'astronomo yera Israel Lyons, a mas d'un choven Horatio Nelson entre os miembros de l'expedición. Plegoron ta Svalbard, encara que os chelos los facioron tornar ta Orfordness o 17 de setiembre. Ye en iste viache cuan Phipps observó l'onso blanco y a morsa, animals que descrebió en 1774 en a suya obra A Voyage towards the North Pole undertaken... 1773. Actividaz politicasConstantine John Phipps estió deputado en o Parlamento britanico por Lincoln en 1768–1774, por Huntingdon en 1776-1780 y por Newark en 1784-1790. Tamién estió Pagador mayor de l'Exercito britanico en 1789–1791, cargo politico ocupato por muitos futuros primers ministros d'o Reino Uniu.
Vinclos externos
|
||||||||||||||||||||||
Portal di Ensiklopedia Dunia
