|
Conrado del Campo
Conrado del Campo (Madrid, Espanya, 28 d'octubre, 1878 - idem. 17 de marzo, 1953), estió un compositor espanyol. Estudió vigulín en o Conservatorio de Madrid con José del Hierro y Jesús de Monasterio, asinas como composición con Emilio Serrano. Tamién recibió licions de Ruperto Chapí. Estió un excelent viola y vigulín y en calidat de tal actuó en a orquesta d'o Teatro Real, en o Cuarteto Francés y en o Quinteto de Madrid. Ya en 1899 ganaba un premio con o poema A las ruinas enguerau por André Bretón en a Sociedat de Conciertos. En 1915 estió profesor de composición d'o Conservatorio de Madrid, plaza que ocupó dica a suya chubilación, convirtiendose en o mas importan profesor d'a materia en España, con multitut d'alumnos espanyols y también americanos (como Amadeo Roldan u Domingo Santa Cruz). Anque no renuncia a lo nacionalismo, a vegadas tintau de casticismo, estió un introductor d'as tecnicas alemanas en Espanya, especialment d'as de Johannes Brahms y Richard Strauss. O suyo poema sinfonico A divina comedia (1908), ye un modelo en o suyo chenero. Intentó tamién a opera nacional, aconseguindo obras de merito y amargas esperencias en os suyos montaches. Cautivó profusament a musica de cambra, estando o prencipal mayestro d'o chenero en España entre a suya epoca. Beluns d'os suyos Cuartetos de cuerda, como os titulados Concietos romànticos u Carlos III, son obras de gran relieu, Esteticament ye l'anverso y contrapeso a Falla. A suya obra ye una d'as mas ricas d'a España d'o sieglo XX y mereixería estar muito mas conoixida. As suyas ObrasAs primeras obras de Del Campo, amuestran una influencia harmonica y formal d'a musica alemana, especialment de Strauss, pero en a suya zaguera epoca s'amana mas a posicions casticistas como en En la pradera. En a opera en cambio, a influencia de Strauss tasamén si esiste, y s'amana mas a lo modelo nacionalista de Chapí y Bretón, actualizau. Talment a suya masima aportación sía una musica de cambra que surte d'a de Brahms con plantiamientos propios y que no estió d'o tot entendida en o suyo momento per a falta de practica d'o publico español en este chenero. Os cuartetos exhumados en os zagueros tiempos amuestran a un musico de solida construcción y seguros desemboliques, capaz pa la gran forma que hese d'estar parte d'o repertorio espanyol. A suya gran virtut como profesor estió l'haber facilitau a los suyos alumnos un soliu oficio sin obstaculizar a personalidat de cadagún que podió esteriorizar-se en muito diversas adrezas; un d'os suyos alumnos mas aventachaus estió Salvador Bacarisse.[1] Os suyos ideyals esteticos son a ormino opustos a los de Falla, pero precisament per ixo abría de servir de contrapeso a la enorme influencia d'este. Conrado del Campo, ye un musico de gran importancia que lo suyo papel real en a musica espanyola està encara per reconoixer completament. Treballos
Referencias
|
||||||||||||||||||||||||||||||||||||||||||||
Portal di Ensiklopedia Dunia
