Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A casa a on se celebró a Conferencia.
Se conoix con o nombre de Conferencia de Wannsee a una reunión celebrata o 20 de chinero de 1942, mientres a Segunda Guerra Mundial, en una casa u "villa" en o districto de Wannsee, en a ciudat alemana de Berlín. En a reunión prenioron parte 15 destacatos dirichents d'o Tercer Reich, y se i miraba de trobar una Solución final a o que o nazismo consideraba o problema chodigo (Endlösung der Judenfrage en alemán). En a Conferencia, se prenioron alcuerdos entre os asistents que prefiguraban o que en as siguients anyadas estió l'Holocausto u mortalera masiva d'os chodigos que se trobaban en territorios ocupatos por o Tercer Reich, pretenendo o suyo exterminio de raso.
Partecipants en a reunión
Os dirichents nazis que prenioron parte en a reunión son:
Dr. Martin Franz Julius Luther, d'o Ministerio de Relacions Foranas. A suya copia d'a documentación, trobata en rematar a guerra, ye a sola documentación conservata d'a Conferencia de Wanseee, y por ixo ye posible conoixer hue a suya existencia, o suyo desembolique y os alcuerdos que se i adoptoron.
