|
Christoph Waltz
Christoph Waltz (Viena; 4 d'octubre de 1956), ye un actor austriaco, activo en o mundo d'o cine dende meyatos d'os anyos 1970 y con cuantos premios recibitos mientres a suya carrera cinematografica. Ha ganato, entre atros, os premios Oscar, Globo d'Oro, BAFTA y d'o Festival de Canas por o suyo treballo en Inglourious Basterds (2009), d'o director Quentin Tarantino. BiografíaNaixió en 1956, de Viena (Austria). Encara que os suyos pais, Johannes Waltz y Elisabeth Urbancic, fuoron decoradors, a tradición familiar en o mundo d'o espectaclo viene dende a cheneración d'os suyos lolos, también actors y os suyos bislolos, que treballoron en o teatro.[1] Estudió interpretación en o Max Reinhardt Seminar de Viena y en o Lee Strasberg Theatre Institute de Nueva York. Prencipió como actor de teatro en escenarios como o Schauspielhaus Zürich, o Burgtheater y mientres o Festival de Salzburgo. A suya primera cinta estió Feuer und Schwert - Die Legende von Tristan und Isolde en l'anyo 1982, encara que os millors recibimientos tanto por parti d'o público como por parti d'a critica no plegoron dica l'anyo 2009, gracias a la interpretación d'o papel de "Hans Landa"; un Standartenführer dito Cazataire de Chodigos, en a cinta Inglourious Basterds d'o director Quentin Tarantino. O suyo treballo en dita cinta fue reconoixito mientres o Festival de Canas, a on que recibió o Premio a o millor actor y o suyo primer premio Oscar. Tarantino reconoixió a importancia de Waltz en a suya cinta decindo: Estoi que Landa ye un d'os millors personaches que he escrito y que escribiré, y Christoph lo interpretó a la perfección... Ye cierto que si no hese trobato a un actor tan bueno como Christoph, no podría haber feito Inglourious Basterds.[2]
Entre as numerosas cintas en que ha feito parti, destaca Lapislazuli – Im Auge des Bären, enguerada en o Festival de Berlín y Der Tanz mit dem Teufel, ista zaguera ganadora d'o prestichioso Premio Adolf Grimme. Por a suya interpretación en Du bist nicht allein, die Roy Black Story, ganó o Premio d'a Televisión de Bavera, d'a Televisión Alemana y un Lión d'Oro d'a RTL. Actualment vive entre Londres y Berlín.[3] Filmografía
Premios prencipals
Vinclos externos
Referencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
