Cerro de Castelfrío

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cerro de Castelfrío
Situación
Situación	Lo Pobo (Teruel)
Latitut
Lonchitut
Vértiz cheodesico
Cheografía
Cordelera	Sistema Iberico
Sierra	Sierra de Castelfrío
Macizo
Altaria	1.760 m
Alpinismo
Primera puyada
Ruta mas fácil	Dende Lo Pobo
Mapa

Lo cerro de Castelfrío ye una loma de 1.760 metros d'altaria sitada en un sector de la sierra d'Escoriuela a lo sud d'el Portachuelo conoixiu como "sierra de Castelfrío", en lo sud-ueste de lo termin municipal d'el Pobo (Teruel). En la suya cima bi ha un vértiz cheodesico.

Toponimia

L'oronimo sierra de Castelfrío ya existiba en lo sieglo XVII, cuan l'astronomo y cheografo Labanha lo transmitió en lo suyo "Itinerario del Reyno de Aragón (1610-1611)":

De Cedrillas para Alhambra Se passa a Serra de Castelfrio.[1]

Lavanha distinguiba entre sierra d'el Pobo a lo norte d'El Portachuelo y sierra de Castelfrío a lo sud, igual como los mapas topograficos nacionals d'escala 1:50.000, manimenos en ambients academicos se considera que son una mesma sierra:

A Serra de Castelfrio do m. a P. 23. gr. 2. L. 1/2 / O alto da Serra del Povo do m. a P. 31. gr....

No bi ha conoixencia por la documentación d'una variant con fonetica aragonesa mes conservadora con l'adchectivo frido < FRIGIDU, que si que s'ha puesto documentar en bel lugar de la provincia (Fuent Frida, Fridas d'Albarracín, Arroyofrido). D'acuerdo con William Dennis Elcock la radiz castel de muitos toponimos aragoneses probablement no se refiera a dengún "castiello" y se refiera a cubilars.[2]

Cheolochía

Los materials de lo cerro de Castelfrío son lutitas y rodeno de facies Buntsandstein (Triasico inferior).

Vechetación

Bi ha pinars de Pinus sylvestris sabinars de sabinas chaparras (Juniperus sabina) y chinebrals de Juniperus communis propios de lo piso oromediterranio.[3]

Referencias

1. (es)(pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895.
2. (es) William Dennis Elcock: Toponimia del Valle de Tena. AFA, nº XII-XIII, 1961.
3. (es) Eduardo Viñuales Cobos: Red Natural de Aragón. Comunidat de Teruel nº 22, Prames, 2008. pp 32-33, pp 146-147.

Bibliografía

• (es) Eduardo Viñuales Cobos: Red Natural de Aragón. Comunidat de Teruel nº 22, Prames, 2008.

Vinclos externos

• (es) Fuella de lo vértiz cheodesico.

• Datos: Q65394641