|
Casa d'a Ciudat de Tarazona
A Casa d'a Ciudat de Tarazona ye un molimental edificio renaixentista situau en a localidat de Tarazona (Tarazona y Moncayo, Aragón). HistoriaL'edificio fue construyiu entre os anyos 1557 y 1563 en a plaza Mayor u d'o Mercau, pa complir a función de Loncha, mirador de bueis y graners dau que a ciudat ya teneba unas Casas d'o Concello en l'actual plaza d'a Carcel Viella. L'edificio, emparau en a parte posterior en os sillars d'a muralla, yera orichinalment exento, pero hue se troba situau entre medianerías. A meyaus d'o sieglo XVII iste edificio pasó a estar utilizau como Casa d'o Concello d'a Ciudat. DescripciónInteriorment ha sufierto muitas reformas, por o cual, toda l'atención se centra en a suya magnifica frontera prencipal.  A frontera s'organiza en tres pisos, estando o superior obra de Fernando Chueca, realizada en 1969 a imitación d'a galería alta d'o claustro d'o Monesterio de Veruela. Baixo dita galería un interesant friso en relieu nos relata a dentrada trunfal d'o papa Climent VII y Carlos V en Bolonya en 1530 pa la coronación d'iste como Emperador d'o Sacro Imperio Romano Chermanico. O segundo piso conta con miradors corrius y oculos pa la iluminación d'a planta noble, a lo costau d'os cuals se troban os escudos imperial, aragonés y de Tarazona y a representación d'os personaches mitolochicos Hercules y Caco chunto a unatro protagonista d'a leyenda fundacional d'a ciudat, que ha estau obchecto de diversas identificacions. Finalment o piso baixo alberga a dentrada prencipal en arco de meyo punto, y seis grans ventanals zarraus con reixas. Sobre a dentrada prencipal se plazan as alegorías d'o buen gubierno, a Chusticia y a Prudencia. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
