|
Bebo Valdés
Bebo Valdés (Quivicán, Cuba, 9 d'octubre de 1918 - Estocolmo, Suecia, 22 de marzo de 2013) estió un musico de jazz y musica cubana. Ye considerau una d’as figuras centrals d’a musica d’o suyo país de conchunta con atros musicos, sin ir mas luent como o suyo fillo, Chucho Valdés, que ye tamién un pianista reconoixiu. HistoriaFillo d’una familia d’esclaus, estudió en o conservatorio de L’Habana y en os anyos cuaranta tanyó en cuantas orquestas, entre as cuals ye a d’o Club Tropicana, d’a cual estió director musical uns anyos, entre os cuals estió tamién muit solicitau como pianista, arreglista y compositor, con exitos como o mambo ‘La rareza del siglo’. Istos anyos, recibió y absorbió a influencia d’o jazz, y en 1952 o productor Norman Granz organizó con él una d’as primeras gravacions de jazz afrocubano. Disconforme con a revolución cubana, en 1960 s’exilia ta Mexico, a on vivió dica 1963, cuan se tresladó ta Suecia, a on dica os anyos novanta estió pianista en clubs de jazz y restaurants. Retirau en 1990, en 1994 estió redescubierto por o mosico afrocubano Paquito De Rivera, con o cual gravó iste anyo ‘Bebo Rides Again’, disco que lo prochectó internacionalment. ObraBebo ha feito numerosos conciertos y ha grabau a-saber-los discos como director d’orquesta, compositor -entre atros, d’a banda sonora d’o documental ‘Calle 54‘ (2001), de Fernando Trueba, que tamién coprotagoniza-, y pianista, aspecto en o cual destaca o dúo con o cantaor de flamenco Diego "El Cigala". Con ‘El Arte del Sabor‘ ganó dos Grammy en 2001. O tercer se lo levó por o disco ‘Lágrimas Negras’ con Diego "El Cigala". Amás, en ganó dos mas con ‘Bebo de Cuba’ y unatro con o disco integral de piano ‘Bebo’ en 2006. Con Fernando Trueba gravó ‘El Milagro de Candeal‘, dirichida por Fernando Trueba y en 2010 fació a banda sonora de ‘Chico y Rita’, l’argumento d’a cual contiene fragmentos d’a suya propia vida. Vinclos Externos
|
||||||||||||||||||||||||||||||||||||||||
Portal di Ensiklopedia Dunia
